Berik Berkimbaev Shymkent qalasy ákiminiń orynbasary bolyp taǵaıyndaldy

ShYMKENT. KAZINFORM — Qazaqstan Respýblıkasy Prezıdenti Ákimshiliginiń kelisimimen jáne qala ákiminiń ókimine sáıkes, Shymkent qalasy ákiminiń orynbasary laýazymyna Berik Serikuly Berkimbaev taǵaıyndaldy. 

Berik Serikuly 1980 jyldyń 1 aqpanynda Shymkent qalasynda týǵan, qazaq, bilimi joǵary.

Qazaq memlekettik zań akademııasyn jáne Sheffıld ýnıversıtetin (Ulybrıtanııa) bitirgen, mamandyǵy boıynsha biliktiligi — quqyqtaný, memlekettik basqarý jáne memlekettik saıasat.

Eńbek jolyn 2001 jyly Prokýratýra organdarynda bastady.

2010-2022 jyldar aralyǵynda Qazaqstan Respýblıkasy Joǵarǵy Sotynyń jáne Ádilet mınıstrliginiń qurylymynda basshylyq qyzmetter atqardy. 

2022-2023 jyldary Qazaqstan Respýblıkasy Memlekettik qyzmet isteri agenttigi tóraǵasynyń orynbasary, Qazaqstan Respýblıkasy Prezıdenti Ákimshiligi Basshysy hatshylyǵynyń meńgerýshisi boldy.

2023 jyldyń mamyr aıynan bastap búgingi kúnge deıin Qazaqstan Respýblıkasy Prezıdenti Ákimshiliginiń memlekettik ınspektory laýazymynda eńbek etti.
Aıta keteıik, budan buryn Erbolat Dosaev jańa qyzmetke taǵaıyndalǵanyn jazǵan bolatynbyz.