Berik Asylov Konstıtýtsııalyq sotqa júgindi
Bas prokýror Berik Asylov Konstıtýtsııalyq sotqa júginip, Konstıtýtsııalyq keńestiń 1997 jylǵy 6 naýryzdaǵy №3 normatıvtik qaýlysynyń 6-tarmaǵyn túsindirý jóninde ótinish jasaǵan. Osyǵan baılanysty Konstıtýtsııalyq sot quqyq qorǵaý organdarynyń, sot ákimshiligi, Ádilet mınıstrliginiń ókilderin jáne sarapshylaryn tyńdady.
Ótinishte tergeý sýdıasynyń jekelegen tergeý áreketine sanktsııa berý týraly sheshim qabyldaýy kezinde prokýrordyń qatysý múmkindigi týraly másele kóterilgen.
Bas prokýratýra prokýrordyń qatysýy sotqa deıingi tergeý satysynda zańnyń saqtalýyn joǵary qadaǵalaýdy júzege asyrý jónindegi ókilettikti tıimdi oryndaýǵa múmkindik beretinin atap ótken.
Konstıtýtsııalyq zańnyń 65-babyna sáıkes Konstıtýtsııalyq sottyń sheshimi zańnamalyq aktilerdi resmı jarııalaý quqyǵyn alǵan merzimdi baspasóz basylymdarynda, quqyqtyq aqparattyń biryńǵaı júıesinde jáne Konstıtýtsııalyq sottyń ınternet-resýrsynda jarııalanady.
