Berıllıı óndirýdiń biregeı tehnologııasyn tapqan qazaqstandyq ǵalymdar úsh AQSh patentine ıe boldy
ASTANA. QazAqparat - Qazaqstandyq avtorlar ujymy qysqa ýaqyt aralyǵynda berıllıı óndirýdiń biregeı tehnologııasy boıynsha úsh AQSh patentine ıe boldy, dep habarllaıdy ál-Farabı atyndaǵy QazUÝ baspasóz qyzmeti.
Mundaı bir ǵylymı-tehnologııalyq baǵytta úsh patentti birinen soń birin alý jetistigine Qazaqstannyń ǵana emes, búkil postkeńestik keńistiktiń birde-bir zertteý toby buryn-sońdy qol jetkizbegen. Bul kezekti ret otandyq ǵalymdardyń halyqaralyq deńgeıde júrgizip jatqan zertteýleriniń joǵary basymdyǵyn kórsetedi.
Qazaqstan ǵalymdary Memleket basshysynyń eksportqa baǵdarlanǵan ónerkásibi bar ınnovatsııalyq ekonomıka qalyptastyrý boıynsha tapsyrmasyn iske asyrý aıasynda eldiń damýyna jáne otandyq ǵylymnyń álemdik aldyńǵy qatarǵa shyǵýyna óz úlesterin qosýda.
Osylaısha, ál-Farabı atyndaǵy Qazaq ulttyq ýnıversıtetiniń ǵalymdary rektor, akademık Ǵ.M.Mutanovtyń basshylyǵymen berıllıı óndirýdiń jańa tehnologııasyn ázirledi. Ol eń tıimdi, ekologııalyq jáne biregeı tehnologııa retinde halyqaralyq moıyndaýǵa - AQSh patentine ıe boldy.
Alynǵan patent avtorlar ujymy úshin úshinshi halyqaralyq AQSh patenti bolyp tabylady. Aldyńǵy eki patent Óskemen qalasyndaǵy Úlbi metallýrgııalyq zaýyty janyndaǵy berıllıı zerthanasynyń qyzmetkerleri jáne D. Serikbaev atyndaǵy Shyǵys Qazaqstan memlekettik tehnıkalyq ýnıversıtetiniń ǵalymdarymen birge alynǵan bolatyn. Jalpy avtorlyq ujymnyń ınnovatsııalyq zerttemeleri álemdik deńgeıdegi 2 jańalyq, 10 tehnologııa, 18 patent, 4 aldyn ala patent jáne 9 engizý aktisi materıaldarymen dáleldengen.
Avtorlar ujymymen ázirlengen berıllııdi alý, qaıta óńdeý jáne daıyn ónimdi shyǵarý tehnologııasy ónerkásiptik deńgeıde óndiriske engizildi. Jańa tehnologııalardy engizý negizinde avtorlar berıllıı totyǵynan biregeı elektrofızıko-hımııalyq qasıetterge ıe, eksportqa baǵdarlanǵan ónimniń 150-den astam jańa túrlerin alýǵa qol jetkizdi. Bul ónim Reseı, Ýkraına, Belarýs, Polsha men Izraıl elderiniń áskerı-ónerkásiptik keshenderiniń qorǵanys oryndaryna eksporttalady.
Qazirgi kezde osy óńdeýdi óz kásiporyndarynda engizýge álemniń jetekshi elderi - AQSh, Qytaı, Izraıl, Indııa jáne t.b. asqan qyzyǵýshylyq tanytýda.
