Berik Ýálı Memleket basshysynyń jazbalary nege kesh jarııalanatynyn túsindirdi
NUR-SULTAN. QazAqparat – QR Prezıdentiniń baspasóz hatshysy Berik Ýálı Memleket basshysynyń áleýmettik jelidegi keı jazbalary nelikten kesh jarııalanatynyn túsindirdi. Bul týraly QazAqparat zakon.kz portalyna silteme jasap habarlaıdy.
Berik Ýálıdiń sózine qaraǵanda, Qasym-Jomart Kemeluly demalyssyz eńbek etip, týyndaǵan qaterlerge der kezinde jedel nazar aýdarady. Daǵdarysqa qarsy kún tártibimen qatar, Prezıdent memleketti damytýdyń uzaq merzimdi mindetterine de, atap aıtqanda ekonomıkany qoldaýǵa, áleýmettik salalarǵa da jiti kóńil bólip otyrady.
«Memleket basshysy eldegi jalpy jaǵdaıdy jiti baqylap, BAQ pen áleýmettik jelilerdegi jarııalymdarmen tanysýǵa únemi ýaqyt tabady. Qasym-Jomart Kemeluly qajet dep tapqan jaǵdaıda, jazba jarııalap, qoǵam nazaryna ilikken oqıǵalarǵa qatysty óz kózqarasyn bildirip, tıisti tapsyrma beredi. Jumys kestesi tyǵyz bolǵandyqtan, mundaı jazbalardyń kesh jarııalanýy túsinikti dep oılaımyn, - dep túsindirdi Berik Ýálı.
Sonymen qatar, baspasóz hatshysy Prezıdenttiń demalyssyz eńbek etip jatqanyn atap ótti.
