Berik Ýálı QR Prezıdenti atyna ashylǵan feık-akkaýntqa qatysty pikir bildirdi

NUR-SULTAN. QazAqparat - Memleket basshysy Qasym-Jomart Toqaevtyń baspasóz hatshysy Berik Ýálı Instagram-daǵy @elbasy-tokayev degen akkaýntqa qatysty pikir bildirdi, dep habarlaıdy QazAqparat.

«Áleýmettik jelilerdegi túrli paraqshalardy kórsetip, menen olardyń Memleket basshysyna qatysy qanshalyqty dep jıi suraıdy. Búgin Instagram-daǵy @elbasy-tokayev degen akkaýnt týraly suraq kelip tústi. Men ol akkaýnttyń Qasym-Jomart Kemelulyna eshqandaı qatysy joǵyn jáne onyń feık ekenin resmı túrde málimdeımin. Sondyqtan sol jáne basqa da akkaýnttarda jarııalanǵan aqparattar resmı bolyp sanalmaıdy», - dep jazady Berik Ýálı óziniń facebook-tegi paraqshasynda.

Eske salsaq, buǵan deıin de Berik Ýálı Prezıdenttiń atyna ashylǵan feık-akkaýnttar týraly aıtqan bolatyn.