Berik Kamalıev Aqtóbe qalasynda vedomstvoǵa baǵynysty merdiger jáne enshiles merdigerlik uıymdardyń basshylarymen keńes ótkizdi

dep habarlady mınıstrliktiń baspasóz qyzmeti.

Jınalysta birneshe mańyzdy másele talqylandy. Birinshisi, «Batys Eýropa - Batys Qytaı» halyqaralyq tranzıttik dálizdiń quramyna kiretin Aqtóbe - Martók - RF shekarasy (0-102 km) avtomobıl jolyn qaıta salý jobasyn iske asyrýǵa baılanysty problemalyq máseleleri qaraldy.

Avtomobıl jolyn jáne qosalqy ǵımarattardy (kópirler, sý jiberetin qubyrlar) qaıta salý barysy týraly (Basty merdiger - «Djengız Inshaat Sanııı Ve Tıdjaret A.Sh.» aktsıonerlik qoǵamynyń fılıaly (Túrkııa), enshiles merdiger - Ivrýs JShS) másele talqylandy.

Sonymen qatar, «MAS-TAK» JShS Aqtóbe qalasynyń jol paıdalaný ýchaskesin jáne Martók kentiniń jol paıdalaný pýnktin qaıta salyný barysy týraly, sondaı-aq, qurylystyń baqylaýshy konsýltanty Egis International kompanııasynyń esepteri tyńdaldy.

Jınalystyń qorytyndysy boıynsha, mınıstr Berik Kamalıev birqatar tapsyrmalar berdi. Avtomobıl joldary komıtetiniń Aqtóbe oblystyq departamentine óńirdegi respýblıkalyq mańyzy bar joldardyń ýchaskelerin qaıta salýmen aınalysyp jatqan, qurylys kompanııalarynyń jumysyna baqylaýdy, sondaı-aq, Aqtóbe oblysyndaǵy respýblıkalyq mańyzy bar joldar jelisin qysqy merzimde ýchaskedegi basty merdigerler jáne eksplýatatsııalyq kompanııasy «Kazavtojol» RMK AOF kútip ustaýdy qamtamasyz etý tapsyryldy.

Aqtóbe - Martók - RF shekarasy avtomobıl jolyn qaıta salyp jatqan «Djengız Inshaat Sanııı Ve Tıdjaret A.Sh.» aktsıonerlik qoǵamynyń fılıalyna 2011 jyly 8 400 mln.teńge kóleminde qarjy ıgerilýin qamtamasyz etý jáne kelisilgen jumys kestesine sáıkes 40 shaqyrym tómengi qabattyń asfal-betondyq jabynyn salý boıynsha josparlanǵan kólemderdi oryndaý, nysandy qysqy kezeńde kólik quraldarynyń qozǵalysyn qaýipsiz jáne toqtaýsyz jumys isteýine daıyndyqty qamtamasyz etý, 2012 jylǵa qurylys merzimindegi jumystarǵa qajet DSM jol qurylys materıaldaryn jáne buıymdardy daıyndaý jónindegi jumystardy kúsheıtý tapsyryldy.

Egis International kompanııasyna Bas merdigerdiń aǵymdaǵy jylǵa josparlaǵan jumystaryn oryndaý boıynsha jumysty qamtamasyz etý, sondaı-aq, nysandaǵy jumys júrgizý tehnologııasyna, qoldanylatyn materıaldardy jáne buıymdardyń sapasyna baqylaýdy kúsheıtý tapsyryldy.