Berik Imashev TMYK bas hatshysynyń orynbasarymen kezdesti

NUR-SULTAN. QazAqparat - Búgin QR Ortalyq saılaý komıssııasynyń tóraǵasy Berik Imashev Túrkitiles memleketter yntymaqtastyǵy keńesi bas hatshysynyń orynbasary Gısmat Gozalovpen kezdesti, dep habarlaıdy QazAqparat tilshisi.

Kezdesý barysynda QR OSK tóraǵasy Túrkitildes memleketter yntymaqtastyǵy keńesiniń delegatsııasyna 2019 jyldyń 9 maýsymyna taǵaıyndalǵan Qazaqstan Respýblıkasy Prezıdentiniń kezekten tys saılaýyna daıyndyq protsesimen tanystyrdy.

Óz kezeginde Gızmat Gozalov Túrkitildes memleketter yntymaqtastyǵy keńesiniń delegatsııa múshelerimen tanystyryp, Túrki keńesi baıqaýshylary Nur-Sultan men Almaty qalalarynda jumystaryn bastaǵandyǵyn atap ótti. Sonymen qatar ol saılaýǵa baıqaý qorytyndysy boıynsha 10 maýsym kúni baspasóz máslıhatyn ótkizetindigin aıtty.

Aıta keteıik, Túrkitildes memleketter yntymaqtastyǵy keńesi týraly kelisimge 2009 jyldyń 3 qazanynda Ázerbaıjannyń Nahchyvan qalasynda ótken Túrkitiles memleketter basshylarynyń ІH sammıtinde QR Tuńǵysh Prezıdenti - Elbasy Nursultan Nazarbaevtyń bastamasymen qol qoıylǵan bolatyn. Qazirgi ýaqytta Túrki keńesine Ázerbaıjan, Qazaqstan, Qyrǵyzstan jáne Túrkııa eli múshe. Vengrııanyń baıqaýshy el mártebesi bar.