Berik Imashev: RF-nyń saılaýda onlaın marafon uıymdastyrý tájirıbesi qyzyqty boldy

ASTANA. QazAqparat - QR Ortalyq saılaý komıssııasynyń tóraǵasy Berik Imashev Reseı Federatsııasy Prezıdentiniń saılaýyndaǵy TMD baıqaýshylary mıssııasynyń jumys qorytyndysy boıynsha baspasóz máslıhatyna qatysty, dep habarlaıdy QazAqparat QR OSK-ge silteme jasap.

Baspasóz máslıhaty RF Ortalyq saılaý komıssııasynyń Aqparat ortalyǵynda ótti.

Baıqaýshylar mıssııasynyń basshysy, TMD Atqarý komıteti tóraǵasynyń birinshi orynbasary Vıktor Gýmınskıı 18 naýryzda bolǵan Reseı Prezıdentiniń saılaýy taza, ashyq, zańdy ótkenin moıyndap, málimdedi.

QR OSK tóraǵasy B.Imashev TMD baıqaýshylary mıssııasynyń quramynda 136 qazaqstandyq baıqaýshy Reseı Federatsııasynyń 23 sýbektisinde saılaýdy baıqaýǵa qatysyp, TMD baıqaýshylary mıssııasy baǵa bergende pikirleri eskerilgenin málimdedi.
 

 «Reseılik saılaýshylar elektorattyq, quqyqtyq jáne saıası mádenıettiń joǵary deńgeıin kórsetti. Biz RF OSK tarapynan saılaý rásimderin kásibı uıymdastyrýdyń, barlyq deńgeıdegi saılaý komıssııalarynyń is-áreketin anyq úılestirýdiń, ortalyq jáne jergilikti basqarý uıymdarynyń, azamattyq qoǵam men halyqaralyq uıymdardyń ókilderimen nátıjeli ózara árekettestiktiń kýágeri boldyq. Biz úshin «Saılaý túni-2018» onlaın marafonyn uıymdastyrý men ótkizý tájirıbesi qyzyqty boldy», - dedi  B. Imashev.

Aıta keterligi, TMD baıqaýshylary mıssııasynyń málimdemesi on kúnnen soń jarııalanady.              

Foto: election.gov.kz