Berik Imashev EQYU/DIAQB mıssııasynyń ókilderimen kezdesti

NUR-SULTAN. QazAqparat - Búgin QR Ortalyq saılaý komıssııasynyń tóraǵasy Berik Imashev saılaýdy baıqaý jónindegi EQYU/DIAQB mıssııasynyń basshysy Ýrshýla Gatsekpen jáne mıssııa ókilderimen kezdesti, dep habarlaıdy QazAqparat tilshisi.

QR OSK baspasóz qyzmetiniń málimetinshe, QR Ortalyq saılaý komıssııasynyń tóraǵasy bıylǵy 10 sáýir men 9 maýsym aralyǵyndaǵy saılaý organdary naýqanynyń barlyq kezeńderi men is-áreketteri týraly aıtty.

Kezdesýde kezekten tys prezıdent saılaýyna daıyndyq jónindegi negizgi is-sharalardyń kúntizbelik jospary jáne naýqannyń negizgi kezeńderi: usyný, tirkeý, saılaý aldyndaǵy úgit, sondaı-aq daýys berý kúni máseleleri qaraldy.

EQYU/DIAQB mıssııasynyń ókilderi 2017-2018 jyldary engizilgen saılaý zańnamasyndaǵy negizgi ózgerister, sonyń ishinde saılaý aldyndaǵy úgit júrgizýge, saılaý naýqanyn qarjylandyrýǵa qatysty jańa erejeler jóninde habardar boldy.

Kezdesýge QR Ortalyq saılaý komıssııasynyń músheleri de qatysty.