Berik Imashev baıqaýshylar men saılaýshylarǵa alǵys aıtty

NUR-SULTAN. QazAqparat – Barlyq deńgeıdegi saılaý komıssııalary saılaýdy uıymdastyrý týraly Jarlyqtyń oryndalýyn qamtamasyz etti. Bul týraly Ortalyq saılaý komıssııasynyń tóraǵasy Berik Imashev málim etti, dep habarlaıdy QazAqparat tilshisi.

«Búgin biz elde sońǵy úsh aıǵa sozylǵan saılaý naýqanyn aıaqtadyq. Barlyq deńgeıdegi saılaý komıssııalary 2021 jylǵy 10 qańtarǵa belgilengen Qazaqstan Respýblıkasy Parlament Májilisi depýtattarynyń saılaýyn uıymdastyrý jáne ótkizý týraly Prezıdent Jarlyǵynyń oryndalýyn qamtasyz etti. Saılaýdyń sońǵy qorytyndylary shyǵaryldy», - dedi B. Imashev.

Osy oraıda ol qorytyndy málimetter boıynsha Parlament Májilisiniń depýtattary saılaǵanyn atap ótti.

«Barshańyzdy osy mańyzdy memlekettik jáne saıası oqıǵamen quttyqtaımyn. Saılaýdy uıymdastyrýshylarǵa oryndaǵan jumysy úshin, halyqaralyq ári ulttyq baıqaýshylardyń saılaý protsesiniń ashyqtyǵyn qamtamasyz etýge járdemdeskeni úshin, al saılaýshylardyń belsendi azamattyq ustanymy úshin alǵys aıtamyn», - dedi OSK tóraǵasy.

Budan buryn habarlanǵandaı, QR Ortalyq saılaý komıssııasy 10 qańtar kúni ótken QR Parlamenti Májilisi depýtattaryn saılaýynyń qorytyndysyn shyǵardy.

Qazaqstan Halyq partııasyna 659 019 (9,10 paıyz), «Nur Otan» partııasy – 5 148 074 (71,09%), «Aýyl» halyqtyq-demokratııalyq patrıottyq partııasy 383 023 (5,29 paıyz), Qazaqstannyń «Aq jol» demokratııalyq partııasy – 792 828 (10,95 paıyz), «ADAL» saıası partııasy 258 618 (3,57 paıyz) daýys jınady.

OSK jarııalaǵan saılaý qorytyndysy boıynsha Májilistegi depýtattyq mandanttar bylaı bólindi: «Nur Otan» partııasy – 76 mandat, Qazaqstannyń «Aq jol» demokratııalyq partııasy –12 mandat, Qazaqstan Halyq partııasyna - 10 mandat.

Sonymen qatar, Parlament Májilisine Qazaqstan halyq Assambleıasynan 9 depýtat saılandy.