Berik Asylov qańtar oqıǵasy týraly: Qazir biz beıbit mıtıngilerdi ártúrli kúshterdiń paıdalanǵanyn naqty bilemiz

NUR-SULTAN. QazAqparat – Bas Prokýrordyń mindetin atqarýshy Berik Asylov Memleket basshysynyń tapsyrmasy boıynsha qańtar oqıǵanyń sebepteri muqııat tergep-tekserilip jatqanyn aıtty, dep habarlaıdy QazAqparat.

«Qazir biz beıbit mıtıngilerdi ártúrli kúshterdiń paıdalanǵanyn naqty bilemiz. Uıymdastyrýshylar destrýktıvti jáne qylmystyq toptardy tartyp, qarýlandyryp, olardyń áreketterin úılestirgen. Tártipsizdikter azamattarǵa qarsy zorlyq-zombylyqpen, qıratýmen jáne tonaýmen qatar júrgen. Olardyń maqsaty halyqty qorqytyp, bıliktiń jumysyna tosqaýyl qoıý bolǵan», - dedi B.Asylov.

Aıta ketsek, búgin Bas prokýratýranyń keńeıtilgen alqa otyrysynda qańtar oqıǵalary kontekstinde qylmystyq protsestegi azamattardyń konstıtýtsııalyq quqyqtaryn saqtaý máseleleri talqylandy.