Berik Ábdiǵalıuly: Ulttyq keńestiń alǵashqy otyrysynda eldegi eń negizgi máseleler kóterildi
NUR-SULTAN. QazAqparat – Ulttyq qoǵamdyq senim keńesiniń múshesi Berik Ábdiǵalıuly keńestiń búgingi otyrysynda memlekettiń bolashaǵyna tikeleı qatysty, el ishindegi eń negizgi máseleler kóterilgenin málim etti, dep habarlaıdy QazAqparat tilshisi.
«Bul alǵashqy otyrys bolǵannan keıin óte jiti daıyndyqpen, salmaqty ótti. Kóptegen emotsııalyq usynystar bar edi. Meniń oıymsha, ony kelesi jolǵa qaldyryp otyr. Biraq, eń basty, negizgi, memleketimizdiń damýyna qatysty máseleler sóz joq, kóterildi. Saıası reformalardyń mańyzy qozǵalyp, naqty ekonomıkalyq usynystar berildi. Tilimizdiń, ulttyq rýhtyń áńgimesi aıtyldy. Eń negizgi, basym baǵyttaǵy máseleler kóterildi», - dedi Berik Ábdiǵalıuly Ulttyq qoǵamdyq senim keńesiniń otyrysynan keıin tilshilerge bergen suhbatynda.
Keńes múshesiniń aıtýyna qaraǵanda, aldaǵy ýaqytta áleýmettik máselelerdiń birshamasy aıtylatynyn atap ótti.
«Bul joly memleketimizdiń bolashaǵyna tikeleı baılanysty, turaqtylyǵy men damýyna qatysty máseleler aıtylǵanyn taǵy da aıta keteıin. Biraq, aıtylmaǵan jaıttar áli bar. Bizdiń keńes músheleri kelesi otyrysta soǵan daıyndalady. Meniń ózim Ulttyq keńestiń áleýmet jáne mádenıet tobyndamyn. Memlekettik tilimiz ben tarıhymyzǵa qatysty máselelerdi kóteremiz», - dedi Berik Ábdiǵalıuly.
Eske sala ketsek, búgin elordada Ulttyq qoǵamdyq senim keńesiniń alǵashqy otyrysy ótti. Otyrysqa Qazaqstan Prezıdenti Qasym-Jomart Toqaev qatysty.
Ulttyq keńestiń quramy belgili memleket jáne qoǵam qaıratkerleriniń, saıası partııalar, úkimettik emes sektor ókilderiniń qatarynan qalyptasady. Qazaqstan Respýblıkasy Prezıdenti Ákimshiliginiń Basshysy, Qazaqstan Respýblıkasyndaǵy Adam quqyqtary jónindegi ýákil, Qazaqstan Respýblıkasyndaǵy Bala quqyqtary jónindegi ýákil, Qazaqstan kásipkerleriniń quqyqtaryn qorǵaý jónindegi ýákil óz laýazymdaryna sáıkes Ulttyq keńestiń quramyna kiredi.
Keńes múshesiniń aıtýyna qaraǵanda, aldaǵy ýaqytta áleýmettik máselelerdiń birshamasy aıtylatynyn atap ótti.
«Bul joly memleketimizdiń bolashaǵyna tikeleı baılanysty, turaqtylyǵy men damýyna qatysty máseleler aıtylǵanyn taǵy da aıta keteıin. Biraq, aıtylmaǵan jaıttar áli bar. Bizdiń keńes músheleri kelesi otyrysta soǵan daıyndalady. Meniń ózim Ulttyq keńestiń áleýmet jáne mádenıet tobyndamyn. Memlekettik tilimiz ben tarıhymyzǵa qatysty máselelerdi kóteremiz», - dedi Berik Ábdiǵalıuly.
Eske sala ketsek, búgin elordada Ulttyq qoǵamdyq senim keńesiniń alǵashqy otyrysy ótti. Otyrysqa Qazaqstan Prezıdenti Qasym-Jomart Toqaev qatysty.
Ulttyq keńestiń quramy belgili memleket jáne qoǵam qaıratkerleriniń, saıası partııalar, úkimettik emes sektor ókilderiniń qatarynan qalyptasady. Qazaqstan Respýblıkasy Prezıdenti Ákimshiliginiń Basshysy, Qazaqstan Respýblıkasyndaǵy Adam quqyqtary jónindegi ýákil, Qazaqstan Respýblıkasyndaǵy Bala quqyqtary jónindegi ýákil, Qazaqstan kásipkerleriniń quqyqtaryn qorǵaý jónindegi ýákil óz laýazymdaryna sáıkes Ulttyq keńestiń quramyna kiredi.
