Bergeı Rysqalıevtiń taǵy eki sybaılasynyń esimderi belgili boldy
ATYRAÝ. QazAqparat - Atyraý qalasynda bolǵan sotta memlekettik aıyptaýshy aımaqtyń burynǵy ákimi Bergeı Rysqalıev bastaǵan uıymdasqan qylmystyq toptyń taǵy eki jetekshisiniń esimderin atady.
Tergeý boljamdary boıynsha, Bergeı Rysqalıevtiń buıryǵymen onyń kúıeý balasy Rústem Álbaqasov jáne Aqtóbe qalasynyń turǵyny Oleg Pavlıchenko bir-birimen ózara sybaılasa áreket etken uıymdasqan qylmystyq toptardy basqarǵan.
Bul qylmystyq top músheleri respýblıkalyq jáne oblystyq bıýdjet esebinen júzege asyrylatyn jobalardyń qunyn asyra kórsetý arqyly, memleket qarjysyn jymqyryp otyrǵan. Qıturqy áreketteriniń arqasynda olar óńirdi gazben, elektr energııasymen, sýmen jabdyqtaýǵa, turǵyn úıler men kópirler salýǵa, kárizdik tazartý qurylǵylaryn ornatýǵa bólingen mıllıardtaǵan teńgeni ıelengen.
