Berezovskıı tunshyqtyrý saldarynan kóz jumdy
ASTANA. 26 naýryz. QazAqparat - Brıtan polıtsııasy qýǵynǵa ushyraǵan olıgarh Borıs Berezovskııdiń óliminiń sebebin atady - ol tunshyqtyrý saldarynan kóz jumdy.
Bul rette polıtsııa Berezovskııdiń denesinen qandaı da bir zorlyq-zombylyq belgilerin tappady. Bul týraly RBK habarlady.
Polıtsııa Berezovskııdiń ólimine «úshinshi taraptyń qatysý» izderin tappady, jáne anaǵurlym rastalýy múmkin boljam - bul óz-ózine qol jumsaý.
«Patologoanatomdar jasaǵan máıitti soıý nátıjesi tunshyqtyrýdy ólimniń sebebi retinde kórsetti. Patologoanatomdar kúreske kórsetetin eshbir izdi tappady», - dep aıtylǵan Londondaǵy Temz-Vellı okrýgi polıtsııasynyń málimetinde. Bul týraly ITAR-TASS habarlady.
Degenmen bunymen tergeý aıaqtalmaıdy. Polıtsııa saraptamalardy jasaýdy jalǵastyrady, máselen, oksıkologııalyq jáne gıstologııalyq testilerdi jasaý josparlanýda. Sońǵy úkim birneshe kúnnen keıin shyǵarylatyn bolady.
