«Berel» qoryq-murajaıynyń dırektory 10 mln teńgeni jymqyrdy degen kúdikke ilindi

ÓSKEMEN. QazAqparat - QR Mádenıet jáne sport mınıstrligine qarasty «Berel» memlekettik tarıhı-mádenı murajaıynyń dırektory aqsha jymqyrdy degen kúdikke ilindi, dep habarlaıdy QazAqparat.

Shyǵys Qazaqstan oblysynyń sybaılas jemqorlyqqa qarsy qyzmeti «Berel» memlekettik tarıhı-mádenı qoryq-murajaıynyń dırektory men murajaıdyń basqa da qyzmetkerlerine qatysty sybaılas jemqorlyq qylmysyn jasady degen kúdik boıynsha sotqa deıingi tergeýdi bastady.

«Olar is júzinde qyzmet kórsetýsiz «Bitim» jáne basqa da úlestes jeke kásipkerlermen bir kózden alý tásilimen memlekettik satyp alý sharttaryn jalǵan jasasý arqyly júıeli negizde 10 mln teńge somasynda bıýdjet qarajatyn jymqyrdy degen kúdikke ilindi» delingen habarlamada.

Sotqa deıingi tergeý jalǵasyp jatyr.

Kúdiktige qatysty túpkilikti sheshimdi sot qabyldaıdy.