Bereke Vank-ti satý: Qatar ınvestorlarymen shart qashan tolyq bekitiledi
ASTANA. KAZINFORM – QR Qarjy naryǵyn retteý jáne damytý agenttigi tóraǵasynyń orynbasary Oljas Qızatov Qatar ınvestorlarynyń Bereke Bank-ti satyp alý sharty tolyqtaı qashan bekitiletinin túsindirdi.
«Aktsıoner Qatardyń Lesha bank-i elimizdegi Bereke Bank-ti satyp alatynyn jarııalady. Osy aıdyń aıaǵynda nemese shildeniń basynda Qatar ınvestorlary jaǵynan bank holdıngi mártebesin alýǵa qujattar paketi usynýy múmkin. Bul qujattardy alǵannan keıin, onyń bárin qarastyramyz. Olarǵa banktik holdıng mártebesin berý máselesi shamamen bıylǵy shilde aıynyń sońynda aıaqtalýy yqtımal», - dedi O. Qızatov Ortalyq kommýnıkatsııalar qyzmetindegi baspasóz máslıhatynda.
Eske salsaq, qatarlyq Lesha Bank «Báıterek» ulttyq basqarýshy holdınginen Bereke Bank-ti satyp aldy.
Kelisimge 2024 jylǵy 31 naýryzda qol qoıylǵan. Mámile somasy 65 mlrd teńgeni quraǵan.
«Báıterek» holdıngi 2022 jyldyń qyrkúıeginde «Sberbank Qazaqstan» kompanııasynyń ıesi boldy. Keıinirek Sberbank ataýy Bereke Vank bolyp ózgerdi.
Bereke Bank-ti satýdan túsken qarajat Ulttyq qorǵa baǵyttalady.
