Bereke Fest: elordada bir apta boıy tıimdi saýda jasaýǵa múmkindik týady
ASTANA. KAZINFORM — Astanada 1-7 shilde aralyǵynda Respýblıka kúnine jáne Qazaqstan Respýblıkasynyń jańa Konstıtýtsııasynyń kúshine enýine oraı Bereke Fest respýblıkalyq aktsııasy ótedi, dep habarlaıdy qala ákimdiginiń resmı saıty.
Bir apta boıy elorda turǵyndary men qonaqtary qalanyń iri saýda jelilerinen azyq-túlik jáne azyq-túlikke jatpaıtyn taýarlardy arnaıy baǵada satyp ala alady.
Aktsııa merekelik is-sharalardyń bir bóligine aınalyp, qala turǵyndaryna Astana kúni qarsańynda tıimdi saýda jasaýǵa múmkindik beredi.
Aktsııaǵa SMALL, Fermag, Astyqjan, Metro, Greenwich, Magnum, Vkýs Mart jáne Anvar saýda jelileri qatysady. Satyp alýshylarǵa et jáne sút ónimderi, kondıterlik ónimder, sýsyndar, kókónister men jemister, kúndelikti tutynatyn taýarlar, sondaı-aq azyq-túlikke jatpaıtyn ónimderdiń keń tańdaýy usynylady.
— Bereke Fest aktsııasynyń maqsaty — halyqqa taýarlardyń qoljetimdiligin arttyrý, zamanaýı saýda júıesin damytý jáne turǵyndarǵa jaıly saýda jasaýǵa qolaıly jaǵdaı qalyptastyrý. Aktsııa iri saýda jelileri men satyp alýshylardy bir alańǵa toǵystyryp, túrli ónimdi qolaıly baǵada satyp alýǵa múmkindik beredi, — delingen habarlamada.
Buǵan deıin Ulytaýda «Kókmaısa» etnofestıvali bastalyp, bir mezette 500 bıe saýylǵanyn jazǵanbyz.
