Bereke Bank-ti satýdan túsken qarajat Ulttyq qorǵa baǵyttalady

ASTANA. KAZINFORM – «Báıterek» holdıngi Bereke Bank-ti Qatar ınvestoryna satýdyń mán-jaıyn túsindirdi.

Qazir holdıng sheteldik Lesha Bank-pen kelisimshartty aıaqtaý úshin tıisti rásimderdi atqaryp jatyr.

«Shart jospardaǵydaı bekitilgen jaǵdaıda, túsken qarajat Ulttyq qorǵa baǵyttalady», - delingen «Báıterek» holdınginiń Kazinform agenttigine bergen jaýabynda. 

Sonymen qatar holdıng ınvestordyń Bereke Bank-tiń osydan keıingi qyzmetine qatysty naqty josparynan habarsyz ekenin málim etti.

Eske salsaq, qatarlyq Lesha Bank «Báıterek» ulttyq basqarýshy holdınginen Bereke Bank-ti satyp aldy. 

Kelisimge 2024 jylǵy 31 naýryzda qol qoıylǵan. Mámile somasy 65 mlrd teńgeni quraǵan.

«Báıterek» holdıngi 2022 jyldyń qyrkúıeginde «Sberbank Qazaqstan» kompanııasynyń ıesi boldy. Keıinirek Sberbank ataýy Bereke Vank bolyp ózgerdi.

Jaqynda «Báıterek» holdıngi basqarma tóraǵasynyń birinshi orynbasary Nurbolat Aıdapkelov Bereke Bank-ti satý sharty elimiz úshin qanshalyqty tıimdi boldy degen suraqqa jaýap berdi.