Berdimuhamedov óz partııasynyń qatarynan shyqty
ASTANA. 17 tamyz. QazAqparat - Túrikmenstan Prezıdenti Ǵurbanquly Berdimuhamedov ózi basqaratyn Demokratııalyq partııa quramynan shyǵatyny týraly sheshimin jarııalady, dep habarlady Lenta.rý.
«El prezıdenti kóppartııalylyq jaǵdaıynda ózi qatarynda bolatyn partııaǵa artyqshylyq jasamaý úshin eshqandaı partııaǵa múshe bolýǵa tıisti emes», - dep málimdedi Berdimuhamedov.
Bul týraly ol senbi kúni Túrikmenstan Demokratııalyq partııasynyń sezinde málimdedi», dep habarlady ITAR-TASS.
Túrikmenstannyń Demokratııalyq partııasy 1991 jyly Túrikmen KSR Kommýnıstik partııasyn qaıta qurý jolymen quryldy jáne 20 jyl boıy eldegi birden-bir partııa boldy. On bes jyl boıy onyń kóshbasshysy respýblıka prezıdenti, Túrikmen KSR Kompartııasy Ortalyq Komıtetiniń birinshi hatshysy Saparmurat Nııazov boldy, keıinnen ol qaıtys bolǵannan keıin jańa prezıdent Ǵurbanquly Berdimuhamedov almastyrdy.
2012 jylǵy qańtarda Túrikmenstan Parlamenti «Saıası partııalar týraly» zań qabyldap, jańa partııalar qurylýyna ruqsat berdi. Jarty jyldan keıin Ashǵabadta Ónerkásipshiler men kásipkerler partııasynyń quryltaı sezi bolyp, keıinnen ol resmı tirkeldi.
