Berdibek Saparbaev jumysshylardyń jalaqysyn qalaı kóteredi
Oblys ákimi Berdibek Saparbaevtyń aıtýynsha, atalǵan óńirde eń tómengi jalaqy alatyn adamdardyń sany shamamen 77 myńdy qurap otyr. Kelesi jyldan bastap olardyń jalaqysy óse bastaıdy.
«Jalaqyny ósirý boıynsha barlyq kásiporyndarmen kelisim bar. Biz arnaıy memorandýmdar rásimdedik. Jylda jalaqy, kem degende, 5-10 protsentke ósip turady», - dedi B.Saparbaev Astanada ótken baspasóz máslıxatynda.
Onyń aıtýynsha, aldaǵy ýaqytta kásiporyndardy jańǵyrtý sharalaryna negizgi basymdyq beriledi. Aǵymdaǵy jyldyń qorytyndysy boıynsha, kem degende 55 óndiristi jańǵyrtyp, jańa texnologııalar men ınnovatsııalardy engizý josparlanǵan. Oǵan 85 mlrd teńge jumsalady. Oblys basshysy tarıfterdi de tómendetýge múddeli ekenin jetkizdi.
«Jaqynda Memleket basshysy tarıfterdi tómendetýge qatysty naqty tapsyrma berdi. Biz jergilikti departament jáne prokýratýramen birlese otyryp, gazǵa, jaryqqa, jylýǵa, ystyq jáne sýyq sýǵa tarıfti 12 protsentke deıin tómendetemiz. Elektrenergııa tarıfteri 1 qarashadan bastap tómendedi. Dál osyndaı jumys kómir tasymaly salasynda da qolǵa alynady. Bárimiz jaqsy bilemiz, ol jerde alypsatarlar kóp. Qazir Úkimettiń kómegimen sol alypsatarlardy azaıtyp, kómirdiń baǵasyn tonnasyna 2-3 teńgege deıin azaıtamyz», - dep atap kórsetti B.Saparbaev.
Aıta keteıik, baspasóz máslıxatynda B.Saparbaev tanymal ánshi Dımash Qudaıbergenniń Aqtóbede úlken kontserti ótetinin jetkizdi.
