Berdibek Saparbaev jumys saparymen bir jylda 240 aýylǵa barǵan

TARAZ. QazAqparat – Berdibek Saparbaev bir jyl ishinde Jambyl oblysy boıynsha júzden astam jumys saparyna shyǵyp, barlyǵy 240 eldi mekendi aralady, 657 nysannyń qyzmetimen tanysty, dep habarlaıdy QazAqparat tilshisi.

Berdibek Saparbaev halyqpen esep berý kezdesýinde aıtyp ótkendeı, a talǵan jumys saparlary barysynda jergilikti turǵyndarmen kezdesýler ótkizildi, olardyń usynystary men ótinishteri tyńdaldy, jaýapty tulǵalarǵa tıisti tapsyrmalar júkteldi.

Sondaı-aq, aımaq basshysy el Prezıdentiniń tapsyrmasyna sáıkes halyqpen tıimdi keri baılanys ornatý boıynsha júrgizilip jatqan jumystarǵa basa toqtaldy.

Máselen, aǵymdaǵy jyldyń 18 qańtarynan bastap oblystaǵy barlyq deńgeıdegi ákimderdiń 378 esep berý kezdesýi ótken. Olarda jalpy 29,6 myń turǵyn qamtylǵan. Oblys ákimi aýyldyq okrýgter men aýdan ákimderiniń 14 esebine qatysty. Halyqpen júzdesýlerde ózekti máseleler talqylanyp, turǵyndar ákimderdiń jumysyn obektıvti túrde baǵalaýǵa múmkindik aldy.

«Turǵyndardyń bizdiń jumysymyzǵa beretin baǵasy asa mańyzdy. Alǵa qoıylǵan mindetterdi oryndaı almaǵan ákimder jaýapkershilikke tartylady. Máselen, Bektóbe aýylynyń turǵyndary esep berý kezdesýinde Qaratóbe aýyldyq okrýgi ákiminiń jumysyn synǵa alǵan bolatyn. Nátıjesinde ol qyzmetinen bosatyldy», - dedi B.Saparbaev.