Berdibek Saparbaev: Jambyl oblysynda egistik alqaby 700 myń gektardan asatyn bolady
Oblys turǵyndarynyń 60 paıyzdan astamy aýyldyq jerlerde turatyn aımaqtyń ereksheligin eskerip, agrarlyq sektordy damytýǵa barynsha kóńil bólý mańyzdy.
Oblys ákimi Berdibek Saparbaev buny halyqqa esep berý kezdesýinde erekshe atap ótti.
Josparlanǵan ınvestıtsııadan basqa, salanyń muqtajdyqtary úshin 21 mıllıard teńge kóleminde sýbsıdııa bólinedi. Aǵymdaǵy jyldyń basty mindetteriniń biri – egistik alqaptaryn 705 myń gektarǵa, al sýarmaly jer kólemin segiz myń gektarǵa keńeıtý bolyp otyr.
«Egis alqaptaryn rentabeldi daqyldar, maıly jáne burshaqty daqyldarmen ártaraptandyrý, jergilikti qant zaýyttaryn barynsha jumyldyrý úshin qyzylsha sharýashylyǵyn damytýǵa kóńil bólý qajet»,- dedi aımaq basshysy.
Oblys ákimi negizgi baǵyttardyń biri retinde paıdalanýsyz jatqan 70 myń gektar jerdi egistik retinde aınalymǵa engizýdi, mehanıkalandyrylǵan jasaqtyń kómegimen alqaptardy sýlandyrý jelileri men kanaldaryn, bes sý qoımasyn retke keltirý, bes myń gektarǵa sý únemdeý tehnologııalaryn engizý kerektigin jetkizdi.
Berdibek Saparbaev atap ótkendeı, negizgi maqsat – ımportty tómendetý jáne óńirdi jergilikti azyq-túlikpen qamtamasyz etý qajet.
Osy maqsatta Jambyl oblysynda iske asyrylyp jatqan aýyl turǵyndarynyń tabysyn arttyrý maqsatyndaǵy pılottyq jobanyń bereri mol. Ol tek Jambyl óńiri úshin ǵana emes, búkil respýblıka úshin de mańyzdy. Alǵashqy qadamdar jasalyp, 7886 aýla nesıege qol jetkizse, 194 aýyl sharýashylyǵy tehnıkasy alyndy.
2020 jyldyń qorytyndysy boıynsha kelesi nátıjelerge qol jetkizý asa mańyzdy. Aýyl turǵyndarynyń ortasha tabysyn 41,6 myń teńgeden 104 myń teńgege deıin arttyrý, al 2,2 myń sharýany ózin-ózi jumyspen qamtyǵandar sanatynan jeke kásipkerler sanatyna aýystyrý kerek.
