Berdibek Saparbaev Tarazdaǵy kolledjderdiń jumysymen tanysty

TARAZ. QazAqparat – Jambyl oblysynyń ákimi Berdibek Saparbaev Taraz qalasyndaǵy orta-arnaýly oqý oryndarynyń qyzmetimen tanysty. Ol oblys ortalyǵyndaǵy servıs jáne tehnologııalar kolledji men Abaı atyndaǵy gýmanıtarlyq kolledjderine jumys saparymen baryp, aralady, dep habarlaıdy QazAqparat oblys ákimdigiginiń resmı saıtyna silteme jasap.

Taraz servıs jáne tehnologııa kolledji qonaq úı bıznesi, tamaq ónerkásibi, tigin isi, shashtaraz, dánekerleýshi, avtomehanık, aǵash ustasy mamandaryn daıyndaýmen aınalysady. Munda 2018 jyly 566 jas, ótken jyly – 632 jas bilim alǵan. Búginde kolledjde 265 stýdent dýaldy bilim alýda.

Kolledj dırektory Bekbol Maımyshevtiń aıtýynsha, ótken jylǵy túlekterdiń 95 paıyzy jumyspen qamtylǵan. Kolledj stýdentterine Almay qalasynan suranystar túsýde eken.

Oblys ákimi oqý úderisiniń uıymdastyrylý barysymen, qashyqtan oqytý kabınetiniń, stýdentterge qyzmet kórsetý ortalyǵynyń jumysymen tanysty. Kolledjdiń materıaldyq-tehnıkalyq bazasynyń qamtylýy oıdaǵydaı, sonyń ishinde stýdentterge arnalǵan óz jataqhanasy bar. Alaıda eki oqý korpýsy men óndiristik sheberhanasy kúrdeli jóndeýdi qajet etedi.

Aımaqtaǵy eń tarıhy tereń oqý oryndarynyń biri Abaı atyndaǵy gýmanıtarlyq kolledj bolyp tabylady. Qazirgi tańda onda 1062 stýdent on mamandyq boıynsha bilim alýda. Kolledj mektepke deıingi bilim berý, bastaýysh jáne negizgi orta býyn mamandaryn daıyndaıdy. Sondaı-aq, bolashaq mýzykanttar, horeograftar, akterler, modelerler qajetti bilimder alýda. 202 stýdent memlekettik tapsyrys boıynsha oqýda.

Kolledj dırektory Aıdarhan Bınazarov Berdibek Saparbaevty oqý korpýsymen tanystyrdy. Kolledjde «Abaıtaný» kabıneti jasaqtalǵan desek, onda uly oıshyldyń eńbekteri, stýdentterdiń ǵylymı jumystary men qolóner buıymdary jınaqtalǵan. Oblys ákimi stýdentterdiń Abaı Qunanbaevtyń rýhanı muralaryn tereń zerdeleı túsý qajettigin aıtyp, oǵan kolledj basshylyǵynyń nazar aýdartty.

Oqý kabınetteri jáne sheberhanalarmen tanysý barysynda Berdibek Saparbaev kolledjdiń óńirdegi mekteptermen baılanysyn nyǵaıtýdyń mańyzdylyǵyn atap ótti. Bul oraıda ózara qarym-qatynas tyǵyz bolǵan saıyn, oqý ornynyń túlekterin jumysqa ornalastyrý máselesi de tabysty sheshile túspek. Ótken jylyǵy túlekterdiń 74 paıyzy ǵana óz mamandyǵy boıynsha jumysqa ornalasqan.

Oqý ornynyń basshylyǵyna materıaldyq-tehnıkalyq bazany jetildirý boıynsha jumysty jalǵastyrý tapsyryldy. Kolledjde sport zaly, stýdentterge arnalǵan jataqhana joq. Al oqý korpýsyndaǵy elektr symy tolyq aýystyrýdy qajet etedi.