Berdibek Saparbaev Tarazda zırat mańynda salynyp jatqan alleıa qurylysyn toqtatty
TARAZ. QazAqparat –Jambyl oblysynyń ákimi Berdibek Saparbaev jumys saparymen Taraz qalasyn aralap, oblys ortalyǵyn abattandyrý jobalarynyń júzege asyrylý barysymen tanysty, dep habarlaıdy QazAqparat Jambyl oblysy ákimdigine silteme jasap.
Aımaq basshysy aldymen ál-Farabı jáne Tóle bı kósheleriniń qıylysyndaǵy alleıa qurylysy basyna bardy. Joba avtorlarynyń aıtýynsha, munda uly oıshylǵa eskertkish ornatý jáne qala turǵyndarynyń tynyǵýyna arnalǵan aýmaqty abattandyrý sharalary josparlanǵan.
Alaıda, Taraz qalasynyń bir top turǵyndary bul qurylysqa qarsylyq bildirdi. Olardyń birqatary Berdibek Saparaevqa saıabaq qurylysyn basqa orynǵa aýystyrý týraly júgingen bolatyn.Turǵyndar zırattyń janynda ornalasqan aýmaqta eski jerleý oryndarynyń bolýy múmkin ekendigin alǵa tartady.
Aımaq basshysy qala ákimi Aıtqazy Qarabalaevqa turǵyndardyń belsendi ókilderimen kezdesip, bul máseleni jan-jaqty saralaýdy, ortaq ymyraly sheshimge kelýdi tapsyrdy. Al, oǵan deıin merdiger kompanııa barlyq jumystardy toqtata turýy tıis.
