Berdibek Saparbaev «Taraz» fýtbol klýbynyń ujymymen kezdesti
TARAZ. QazAqparat – Fýtboldan elimizdiń chempıonaty qarsańynda oblys ákimi Berdibek Saparbaev «Taraz» FK jattyqtyrýshylary jáne oıynshylarymen kezdesti. Kezdesýde tek aǵymdaǵy maýsymnyń mindetteri ǵana emes, jalpy aımaq fýtbolyn damytý strategııasy týraly da jan-jaqty saralandy, dep habarlaıdy QazAqparat tilshisi.
Berdibek Saparbaev oıynshylarmen júzdesýde Jambyl fýtbolyn damytýdyń egjeı-tegjeıli baǵdarlamasyn usynyp, ol boıynsha oblys basshylyǵynyń aldaǵy jyldarǵa arnalǵan strategııasy týraly keńinen áńgimeledi. Máseleniń ózegine úńilgen oblys ákimi óz tárbıelenýshilerin
daıarlaýdyń naqty baǵytyn anyqtap berdi. «Taraz» komandasynyń negizi balalar men jasóspirimder fýtboly bolyp tabylady. Osy oraıda, naǵyz talanttardy aýyldardan izdeýge basa nazar aýdarǵan abzal. Taǵy bir baǵyt – buqaralyq sportty damytý desek, bul daryndy fýtbolshylardy tabýda óziniń oń yqpalyn tıgizetini daýsyz. Ótken jyldyń ózinde oblystyq bıliktiń kúshimen 14 jabyq dene shynyqtyrý-saýyqtyrý kesheni men 92 fýtbol alańshasy salyndy. Nátıjesinde sportpen shuǵyldanatyn jambyldyqtardyń úlesi 30 paıyzdan 35-ke artty, bul respýblıkalyq ortasha kórsetkishten edáýir joǵary.
«Biz balalardy oqytýmen qatar fýtboldyń qyr-syryna baýlıtyn mektep-ınternatyn ashýdy josparlap otyrmyz. Sonymen qatar, balalarmen jumys isteıtin joǵary bilikti jattyqtyrýshylardy tartyp, akademııa qurý qajettigine nazar aýdarýdamyz. Sondaı-aq, túrli týrnırlerge qatystyra otyryp, barlyq jastaǵy komandalardy ózara tájirıbelerimen almastyryp otyrý da asa mańyzdy. Biz uzaq jyldar boıy úılesimdi jumys isteıtin júıeni qalyptastyryp, ózara sabaqtastyqty qamtamasyz etýimiz kerek», - dedi Berdibek Saparbaev.
Aldyńǵy basshylyq ózine júktelgen mindetti eńsere almady, endigi ol mindet klýb basshysy Talǵat Turlybaıuly bastaǵan sport fýnktsıonerlerine
júktelip otyr.
Búgingi tańda komandada da, jattyqtyrýshylar quramynda da úlken ózgerister oryn alǵan. Komandany ÝEFA PRO bapkerlik lıtsenzııasyna ıe jáne Armenııanyń ulttyq quramasymen nátıjeli tabystarǵa qol jetkizgen Vardan Mınasıan basqarmaq. Bapkerler quramyna jergilikti mamandar Sergeı Tagıev, Aleksandr Kýchma, Arslan Satýbaldın jáne Samat Naýryzbaev engen.
Kezdesýde sóz alǵan Vardan Mınasıan komanda quramy 60-70 paıyzǵa jańarǵanyn tilge tıek etti. «Basqa da oınaýǵa turarlyq talantty jastar kóp. Biraq ýaqyt tapshy, sondyqtan resmı matchtarda tájirıbe jınaqtaýǵa týra keledi», - dedi ol.
Iıa, búginde komandada jas oıynshylar kóp. Dálirek aıtsaq, chempıonatqa qatysatyn 25 fýtbolshynyń 18-i Jambyl fýtbolynyń tárbıelenýshileri.
Maýsym aralyq úzilis kezinde komanda Taraz, Shymkent qalalarynda jáne Túrkııa elinde birneshe oqý-jattyǵý jıyndaryn ótkizdi.
Mindetterge keletin bolsaq, «Taraz» barynsha tyrysyp, kem degende altynshy orynǵa ıe bolýy tıis. Sonymen qatar, Qazaqstan kýbogi úshin talasý mindeti de qoıylyp otyr.
Kezdesý sońynda oblys ákimi Berdibek Saparbaev komandaǵa jańa jaıly avtobýs satyp alynatynyn aıtyp, oblys basshylyǵy óz alańymyzda ótetin barlyq matchtarǵa qatysyp, komandany qoldaıtynyna ýáde berdi.
