Berdibek Saparbaev «Taraz» FK ujymymen kezdesti
TARAZ. QazAqparat - Jambyl oblysynyń ákimi Berdibek Saparbaev «Taraz» fýtbol klýbynyń ujymymen kezdesti, dep habarlaıdy QazAqparat óńir basshysynyń baspasóz qyzmetine silteme jasap.
Berdibek Saparbaev mıllıondaǵan kórermenderdiń súıikti oıyny – fýtboldyń kópten bergi jankúıeri ekendigin, el jáne álem sportynyń jańalyqtaryna árdaıym nazar aýdaryp otyratyndyǵyn tilge tıek etti.
Jambyl óńirinen túlep ushqan talantty fýtbolshylar az emes, búginde olardyń birqatary elimizdiń kóptegen klýbtarynda óner kórsetýde. Solardyń biri Baýyrjan Islamhannyń shetel klýbynda oınap júrgenin aıryqsha aıtýǵa bolady.
Oblys ákimi klýbtyń qazirgi quramynyń basym bóligi – jergilikti jastar ekenine kóńil bóldi. Sonymen qatar, ol Jambyl fýtbolynyń tarıhy tereńde ekenin, kezinde KSRO quramasynyń múshesi bolǵan Seıdildá Baıshaqov, Seýldegi Olımpıada oıyndarynyń chempıony Evgenıı ıArovenko, basqa da danqty bylǵary dop sheberleriniń esimin erekshe atap ótti. Sondaı-aq, klýbtyń bas jattyqtyrýshysy Vladımır Nıkıtenkomen, onyń assıstenti Vaıt Talgaevpen jaqyn tanystyǵyn bildirdi. Aıta keteıik, olar birkezderi jaqsy oıynshy retinde ózderin kórsete bilse, keıinnen bapkerlik salada da táýir nátıjelerge qol jetkizip keledi.
- Klýbtyń materıaldyq-tehnıkalyq bazasy jaqsy, ony odan ári damyta túsetin bolamyz. «Jastar» stadıonyn jańǵyrtý jumystarynda ketken kemshilikterdi qalypqa keltirý boıynsha merdigerden talap etemiz. Shatyr-qalqa ornatý jumystary qolǵa alynady. Ortalyq stadıonnyń múmkinshiligin ÝEFA-nyń barlyq talaptaryna sáıkestendiretin bolamyz. Sondaı-aq, «Lokomotıv» stadıonyn qaıta jańartamyz. Bolashaqta «Taraz»-dyń eýrokýbokqa qatysatyn ýaqyty týady dep úmittenemin, biraq ol úshin kóp ter tógý kerek. Ekinshi lıgadaǵy jergilikti komandanyń áleýetin kúsheıtip, birinshi lıgada óner kórsetý múmkindigine qol jetkizý kerek. Sizderdiń kásibı sheberlikterińizge kúmánimiz joq. Eger de, aldaǵy ýaqytta jaqsy nátıje kórsete alsańyzdar, qarjylandyrý deńgeıi de arta túsedi, - dep atap ótti Berdibek Saparbaev.
Aıta ketý kerek, klýb óz kadrlaryn tárbıeleýge basa kóńil bólýde. Búginde klýbtyń ekinshi quramy tolyǵymen jergilikti oıynshylardan turatyny sonyń aıǵaǵy. Al negizgi quramnyń 25 oıynshysynyń 17-si jambyldyq.
Kezdesýde «Taraz» FK basshysynyń mindetin atqarýshy Ǵabıt Qazbekov aldaǵy maýsymda altynshy orynnan tómen kórsetkish kórsetpeýdi maqsat etip otyrǵandyqtaryn jetkizdi.
Bas jattyqtyrýshy Vladımır Nıkıtenko komanda jospardaǵy barlyq jattyǵýlaryn oıdaǵydaı ótkizgenin tilge tıek etip, aldaǵy birinshilikte jańa reglament boıynsha EAEO quramyna kiretin elderdiń oıynshylary endi legıonerler bolyp sanalmaıtyndyǵyna nazar aýdartty.
Komanda kapıtany Maqsat Ámirhanov oıynshylardyń bul maýsymda jaqsy nátıjege jetý úshin bar kúsh-jigerlerin salýǵa daıyn ekendigin aıtyp, aımaq basshysyna 10 nómirli jeıde men klýb sharfyn syıǵa tartty.
Legıonerler atynan Belarýs qorǵaýshysy Valerıı Karshakevıch sóz alyp, ol komandanyń birtutas ári tatý-tátti bir ujym ekendigin atap ótti.
- Komandada jaqsy moraldyq-psıhologııalyq ahýal qalyptasýy kerek. Klýb oblystyń barlyq sport mektepterimen, ásirese aýyldarmen baılanys ornatýy qajet. Óıtkeni, kórinbeı júrgen kóptegen talanttar az emes. Oblystyq «Bylǵary dop» týrnırin jańǵyrtý, barlyq aýdandarda fýtbol akademııasyn qurý, «aýdan-qala-oblys» kezeńderi boıynsha irikteý týrnırlerin uıymdastyrý qajet. Basty talap – tártip, fýtbol alańynda ǵana emes, ómirde de bir-birine qurmet kórsete bilý.
Men fýtboldy óte jaqsy kóremin, tájirıbeli jankúıermin. Eger sizder jan-tánimen berilip óner kórsetseńizder, biz de barynsha qoldaýǵa daıynbyz. Sol kezde jankúıerler de stadıonǵa kóptep keledi dep oılaımyn, - dedi kezdesý sońynda oblys ákimi.
