Berdibek Saparbaev Sarysý aýdanyndaǵy órt oqıǵasy týraly jazba jarııalady
TARAZ. QazAqparat – Jambyl oblysynyń ákimi Berdibek Saparbaev Sarysý aýdany Jańatas qalasynda bes balanyń ólimine sebep bolǵan órt oqıǵasy týraly jazdy,- dep habarlaıdy QazAqparat tilshisi.
Qaıǵyly oqıǵa jóninde aımaq basshysy Instagram jáne Facebook áleýmettik jelisindegi jeke paraqshasynda jazba jaııalady. Jazbada oblys ákimi aýyr jaǵdaıǵa qabyrǵasynyń qaıysqandyǵyn, marqumdardyń jaqyndaryna kóńil aıtatyndyǵyn jetkizgen.
Sondaı-aq, B. Saparbaev máseleni jeke baqylaýyna alǵandyǵyn jáne oqıǵanyń mán-jaıy zerdelenýde ekendigin málim etti.
«Búgin búkil eldi eseńgiretken qaı̆ǵyly oqıǵa boldy. Jańatastaǵy úı̆lerdiń birinen órt shyǵyp, bes birdeı̆ beı̆kúná bala ajal qushty. Oqıǵanyń mán-jaı̆yn anyqtaý úshin oblys ákiminiń orynbasary Ulan Jazylbektiń tóraǵalyǵymen arnaı̆y komıssııa quryldy. Oqıǵa ornyna oblys prokýrory N.Ábdirov, Polıtsııa departamentiniń basshysy J. Súleı̆menov, TJD basshysy E. Mombaev attandy.
Qara jamylǵan otbasyǵa qajetti psıhologııalyq, materıaldyq kómek kórsetilýde. Másele meniń jeke baqylaýymda. Kóz jumǵan balalardyń jaqyndaryna Alla Taǵala sabyr bersin. Qaı̆ǵylaryna ortaqtasyp kóńil aı̆tamyn!»,-delingen ákimniń jazbasynda.
Osyǵan deıin Jambyl oblysy Sarysý aýdany Jańatas qalasyndaǵy 2 yqshamaýdandaǵy 5 qabatty turǵyn úıdegi órtten 5 balanyń qaza bolǵany jazyldy.
