Berdibek Saparbaev: Ótinish - baǵany kótermeńizder
AQTÓBE. QazAqparat - Aqtóbe oblysynyń ákimi Berdibek Saparbaev iri sýpermarketter men kommýnaldyq bazardy aralap shyqty, dep habarlaıdy QazAqparat tilshisi.
Aqtóbe oblysynyń ákimi Berdibek Saparbaev iri saýda jelilerine, «Tabys» qalalyq kommýnaldyq bazaryna bardy.
«Ótinish - baǵany kótermeńizder. Kerisinshe, mereke qarsańynda, ásirese, áleýmettik mańyzy bar taýarlardyń baǵasyn tómendetip, halyqqa qoldaý kórsetińizder. Sizderdiń saýda ústemelerińiz 5 paıyzdan aspaýy tıis»,- dedi Berdibek Saparbaev.
Aqtóbe oblysy ákiminiń baspasóz qyzmetiniń habarlaýynsha, iri saýda jelileriniń basshylary bul bastamany qoldaıtyndyqtaryn bildirdi. Olar jeltoqsan aıyndaǵy merekeler qarsańynda saýda oryndarynda túrli aktsııalar júrgizetin boldy. Sonymen qatar, kókónis, et, jumyrtqa, sút jáne sút ónimderi, maı, makaron, jarma men basqa da ónimderdiń baǵasy tómendedi. Jylyjaı keshenderiniń ónimderi deldalsyz sýpermarketterge jetkizilip jatyr.
Berdibek Saparbaev sońǵy kezde aqtóbelikterdiń áleýmettik jelilerde jekelegen taýarlardyń kem ólshenetinine shaǵymdanatyndaryn atap ótti.
Saýda úıleriniń basshylary bolashaqta mundaı jaǵdaılardy boldyrmaý maqsatynda árbir sýpermarkette tekserý tarazylarynyń qondyrylǵanyn aıtty. Óńir basshysy óziniń orynbasary Mavr Abdýllın men Aqtóbe qalasynyń ákimi Іlııas Ispanovqa aıtylǵan máselelerdi nazarda ustaýdy tapsyrdy.
Aıta keteıik, «Anvar» jáne «Dına» saýda jelileri qala turǵyndyrynyń 75% azyq-túlik taýarlarymen qamtamasyz etip otyr. Búgingi kúni Aqtóbe oblysynyń turaqtandyrý qorynda 1100 tonna kartop, 200 tonna sábiz, 100 tonna oramjapyraq jáne 200 tonna pııaz saqtalǵan. Bul ónimder tómendetilgen baǵamen satylady.
