Berdibek Saparbaev Olımpıada oıyndarynyń júldegeri Eldos Smetovpen kezdesti
TARAZ. QazAqparat – Jambyl oblysynyń ákimi Berdibek Saparbaev Rıo-de-Janeıro-2016 jylǵy Olımpıada oıyndarynyń kúmis júldegeri Eldos Smetovpen jáne sportshynyń jeke jattyqtyrýshysy Ǵalymjan Jylgeldıevpen kezdesti, - dep habarlaıdy QazAqparat.
Esterińizge sala keteıik, aǵymdaǵy jyldyń aqpan aıynda Eldos Smetov Parıjde ótken Grand Slam halyqaralyq týrnırinde qola júldege qol jetkizgen bolatyn.
«Siz sporttyq arenada elimizdiń namysyn abyroıly qorǵap júrsiz. Aıtýly halyqaralyq jarystardyń chempıony jáne júldegeri, Olımpıadanyń kúmis júldegeri atandyńyz. Óz tabandylyǵyńyz ben darynyńyzdyń arqasynda baıraqty básekelelerde álem aldynda elimizdiń dańqyn asyra bildińiz. Biz sizdi maqtan tutamyz. Bizdiń sportshylardyń jetistikteri jas urpaqtyń salamatty ómir saltyn ustanýyna zor serpin berýde», - dedi Berdibek Saparbaev.
Óńir basshysy sportshyny jáne onyń jattyqtyrýshysyn jýyrda qol jetkizgen jeńisimen quttyqtap, olarǵa 500 myń jáne 300 myń teńge aqshalaı sertıfıkattar tabys etti.
Óz kezeginde E.Smetov aldaǵy Tokıoda ótetin Olımpıada oıyndarynda jeńiske jetý úshin bar kúsh-jigerin jumsaıtynyna sendirdi.
«Bizdiń basty mindetimiz – Olımpıada» altynyn jeńip alý. Maqsatqa jetý úshin aıanbaı kúresýge dep ýáde beremin», - dedi E. Smetov.
