Berdibek Saparbaev munaıshylardyń jalaqysyn kóterýdi usyndy
Aqtóbe oblysynyń ákimi Berdibek Saparbaev Ońtústik Koreıaǵa jumys saparymen baryp, Ońtústik Koreıanyń «KNOC» munaı-gaz korporatsııasynyń vıtse-prezıdenti Shım Djoehýnmen kezdesti. Bul kompanııa Aqtóbedegi «Altıes Petroleým Interneshnl B.V» AFK jáne «Ada Oıl» JShS-ne ıelik etedi. Kezdesýde kelisimshart mindettemelerin oryndaý sóz boldy.
«Altıes» jáne «Ada Oıl» bizdiń oblys aımaǵynda shamamen 12 jyldan beri jumys isteıdi. Jyl saıyn 400 myń tonna munaı óndiredi. Jumys jaqsy júrip jatyr. Biraq ınvestıtsııa kólemi, jergilikti kadrlardy daıarlaý, taýarlardy satyp alýdaǵy otandyq úlesti qamtý jáne áleýmettik jaýapkershilik boıynsha kelisimshart mindettemeleri tolyq oryndalmaı otyr», - dedi oblys ákimi Berdibek Saparbaev.
Kezdesýde qarapaıym jumysshylar men basshylar arasyndaǵy jalaqy aıyrmasyn azaıtý máselesin kóterildi.
«Eń az jalaqy alatyn jumysshylardyń jalaqysyn kóterý kerek. Elbasynyń tıisti buıryǵy bar. Biz barlyq kásipkerlermen jalaqyny kóterý týraly kelissóz júrgizip jatyrmyz. Men «KNOK» basshylarynan osy usynysty qoldaýǵa jáne Aqtóbe oblysynyń aýmaǵynda jumys isteıtin kásiporyn basshylaryna nusqaý berýdi suraımyn», - dedi Berdibek.
KNOK vıtse-prezıdenti Shım Djoehýn kelisimsharttaǵy mindettemelerdi oryndaýǵa ýáde berdi.
2017 jyldyń mamyr aıynda Aqtóbe oblysynyń ákimi «KNOC» kompanııasynyń prezıdenti Kım Djýng Remen «Altıes Petroleým Interneshnl B.B» AFK jáne «Ada Oıl» JShS-niń jaǵdaıyn talqylady. Kelissózderdiń nátıjesinde eki kompanııa Aqtóbe oblysyna tirkelip, óndiristik qyzmetin iske asyrdy. Buryn munaı kompanııalary Aqtóbede qara altyn óndirgenimen, Almaty oblysynda tirkeýde turǵan bolatyn.
