Berdibek Saparbaev Qytaıdaǵy stýdentterdi elge jetkizý tártibi qalaı bolatynyn túsindirdi
NUR-SULTAN. QazAqparat – QR Premer-Mınıstriniń orynbasary Berdibek Saparbaev Qytaıdaǵy stýdentterdi Qazaqstanǵa jetkizý kezinde qaýipsizdik sharalaryna basa nazar aýdarylatynyn aıtty, dep habarlaıdy QazAqparat tilshisi.
«Eger ol stýdentterdi (Qytaıdaǵy) alyp keletin bolsaq, biz olar aldymen karantın sharalarymen qamtylady. Olarǵa daıyndap qoıǵan aýrýhanamyz bar, olardy sonda jetkizip, 14 kún boıy tıisti sharalar atqarylady. ıAǵnı tekserý júrgizemiz, zerthanalarda qan synamalary zerdelenedi. Zerthanada bul adamdardan densaýlyǵyna eshqandaı qaýip joq degen qorytyndy berilgennen soń, olar aýrýhanadan shyǵarylady», - dedi Úkimet basshysynyń orynbasary.
Onyń sózine qaraǵanda, atalǵan stýdentter áýejaıǵa jetkizilgennen keıin, qaýipsizdik sharalaryn saqtaı otyryp, olardy medıtsına qyzmetkerleri kútip alady.
Aıta keteıik, Berdibek Saparbaev Qytaıdaǵy stýdentterdi alyp kelýge ushaq daıyn ekenin málim etti.
Budan buryn habarlanǵandaı , QR Bilim jáne ǵylym vıtse-mınıstri Mıras Dáýlenov Qytaıdaǵy joǵary oqý oryndarynda oqyp júrgen Qazaqstannyń stýdentterine demalys merzimin uzartý sharalary pysyqtalyp jatqanyn aıtty.
Qytaıdyń Ýhan qalasynda 400 stýdent oqyp júr. Sonyń ishinde 98-i sol qalada, ıaǵnı olar oqý ornynyń kampýsynda.
