Berdibek Saparbaev eńbek naryǵyna ózgerister ákelýi múmkin jahandyq syn-qaterlerdi atady

NUR-SULTAN. QazAqparat - Jańa tehnologııalardy damytý eńbek naryǵyna ózgerister ákelýi múmkin. Bul týraly búgin XII AEF aıasyndaǵy Halyqaralyq eńbek uıymynyń 100 jyldyǵyna arnalǵan konferentsııada Eńbek jáne halyqty áleýmettik qorǵaý mınıstri Berdibek Saparbaev aıtty, dep habarlaıdy QazAqparat tilshisi.

«Eger aldaǵy perspektıvalar týraly aıtatyn bolsaq, eńbek naryǵyna ózgerister ákelýi múmkin jahandyq syn-qaterlerge toqtalyp ótkenimiz jón. Birinshi syn-qater tsıfrlandyrýdy jáne 4.0 ındýstrııasy, jasandy ıntellekt jáne robototehnıka sııaqty tehnologııalardy damytýmen baılanysty. Ekpindi tehnologııalyq damý jumys kúshiniń biliktiligi men daǵdylaryna qoıylatyn talaptardy ózgertedi. Olar kásiptik daǵdylarmen qatar, qosymsha daǵdylar tizbegin ıgerýge tıis», - dedi mınıstr.

Onyń aıtýynsha, ekinshi syn-qater eńbek resýrstary qurylymyndaǵy demografııalyq ózgeristerge negizdelgen.

«Búkil álemde 60 jastan asqan halyq sanynyń jáne belsendiliginiń ósýi baıqalady. Ósip kele jatqan jas urpaq qajetti daǵdylardy ıgerýge tıis. Eńbek naryǵynda jumys kúshiniń ınklıýzıvtiligi artyp keledi. Áıelderdiń, qarttar men múmkindikteri shekteýli adamdardyń ekonomıkalyq belsendiligi ósýde. Gıg-ekonomıka damyp keledi, ol «frılanserler» sanynyń kóbeıýi retinde bilinedi», - dedi ol.

B.Saparbaev Qazaqstan aldaǵy ózgeristerge daıyn bolýy qajettigin aıtty.

«Sonymen qatar, eńbek naryǵyndaǵy ózgeristerdiń yqpaly damýshy memleketterde, onyń ishinde Qazaqstanda damyǵan elderge qaraǵanda baıaý bolatynyn atap ótken jón», - dedi mınıstr.

Foto: Baýyrjan Jýasbaev