Berdibek Saparbaev elordada salynyp jatqan jańa Onkologııalyq ortalyqta boldy

NUR-SULTAN. QazAqparat – Vıtse-premer Berdibek Saparbaev pen elorda ákimi Altaı Kólginov Elbasynyń tapsyrmasy boıynsha qalada salynyp jatqan jańa Onkologııalyq ortalyqtyń qurylysymen tanysty, dep habarlaıdy QazAqparat.

«QR Tuńǵysh Prezıdenti Nursultan Nazarbaev kardıologııalyq jáne neırohırýrgııalyq klasterlerdiń tájirıbesin paıdalanýdy tapsyrǵan bolatyn. Jobaǵa sáıkes medıtsınalyq mekeme 6 qabattan turady. Onda onkologııalyq aýrýlardy dıagnostıkalaý jáne emdeý úshin ozyq tehnologııalar paıdalanylatyn bolady», - delingen Nur-Sultan qalasy ákimdiginiń aqparatynda.

Sondaı-aq B. Saparbaev pen A. Kólginov elordalyq №87 mekteptiń oqý jylyna daıyndyǵymen tanysyp, Azııa elderi jazýshylarynyń І Halyqaralyq forýmynyń ashylýynda jazýshylardyń aty beriletin alleıaǵa bardy.