Berdibek Saparbaev elimizdegi úzdik 1 myń oqýshyǵa arnalǵan joba týraly aıtty
Úkimettiń jumys toby Aqtóbege kelip, Memleket basshysynyń tapsyrmasy qalaı oryndalyp jatqanyn, aldaǵy josparlarymen bólisti.
Jumys tobynda Premer-Mınıstrdiń orynbasary Berdibek Saparbaev, Bilim jáne ǵylym mınıstri Ashat Aımaǵambetov, Eńbek jáne áleýmettik qorǵaý mınıstri Birjan Nurymbetov, Densaýlyq saqtaý mınıstrliginiń jaýapty hatshysy Botagóz Jaqsylyqova, Mádenıet jáne sport mınıstriniń orynbasary Eldos Ramazanov, Aqparat jáne qoǵamdyq damý mınıstriniń orynbasary Danııar Esın bar.
«Qala men aýyl qala mektepteriniń bilim sapasyn teńestirý maqsatynda aýqymdy jumys atqarylady. Ol úshin aýyldaǵy mektepterdiń materıaldyq bazasyn nyǵaıtý qajet. Elimiz boıynsha 32 apattyq jaǵdaıdaǵy, 111 úsh aýysymdy mektep bar. Aldaǵy úsh jylda muny joıýymyz kerek. Aýyl mektepterindegi muǵalimderdiń de sapasyn arttyrǵan jón. Daryndy balalardy qoldaý mektepteri bar. Tuńǵysh Prezıdent qorymen birge «El úmiti» jobasy daıyndalyp jatyr. Eń kem degende 1 myń daryndy balany tańdap alyp, jaǵdaı jasaımyz. ıAǵnı, memlekettik grantpen oqyp, jumysqa ornalasýyna múmkindik týady. Aqtóbede birinshi ret respýblıka boıynsha bastaý alady», - dedi Berdibek Saparbaev.