Berdibek Saparbaev bıýdjet qarajatyn tolyq ıgerýdi tapsyrdy
Óńir basshysy aldymen oblystyń áleýmettik-ekonomıkalyq damý kórsetkishterine toqtaldy.
Bıyl álemdi sharpyǵan pandemııa qalypty tirshilikke ózgeris engizgeni anyq. Degenmen der kezinde qabyldanǵan sheshimder arqasynda negizgi basymdyqqa ıe salalardaǵy kórsetkishterdiń tómendeýine jol berilgen joq. 11 aıdyń qorytyndysy boıynsha kórsetkishter kóńilden shyǵady, degenmen kezdesip otyrǵan kemshilikter de joq emes. Esepti kezeńde 2,5 paıyzdy quraǵan ekonomıkalyq ósimdi jyl qorytyndysymen 3 paıyzǵa jetkizýge úmit zor.
2020 jyly barsha álem elderi sekildi koronavırýs qıynshylyqtarymen betpe-bet kelgenine qaramastan, óńir ekonomıkasyndaǵy oń dınamıkany saqtaldy.
«Biz bul jyldy aldaǵy aýyqymdy jospalarymyzdyń berik negizi bolatyndaı etip túıindeý qajetpiz. Kórsetkishter kem degende ortasha respýblıkalyq deńgeıden tómen bolmaýy tıis. Oń dınamıkaǵa qaramastan, keıbir tapsyrmalardyń oryndalmaý qaýpi bar. Qalǵan kúnniń ishinde 30 mıllıard teńgeden astam qarajatty ıgerý kerek», - dedi oblys ákimi.
Buǵan deıin ótken keńeste 11 aıdaǵy áleýmettik-ekonomıkalyq damýdyń qorytyndylary saralanǵan desek, bul joly jyldyń boljamdy kórsetkishterine nazar aýdaryldy. Sonymen, ekonomıka jáne bıýdjettik josparlaý basqarmasynyń basshysy Gúldana Jaýynbekovanyń aıtýynsha, ónerkásip 102 paıyzdy, aýyl sharýashylyǵy - 104,3, qurylys - 105, paıdalanýǵa berilgen turǵyn úı kólemi - 107, ınvestıtsııa - 106 jáne bólshek saýda - 100,3 paıyzǵa oryndalǵan. Ónerkásiptik óndiris kólemi boıynsha meje Merki aýdanynda (95,7 paıyz) oryndalmaı qalý qaýpi bar desek, al tartylǵan ınvestıtsııa kólemindegi kórsetkish Shý (50%) jáne Sarysý aýdandarynda (60%) aıtarlyqtaı tómen bolady dep kútilýde.
Al, qarjy basqarmsynyń basshysy Roza Isaevanyń aıtýynsha, bıýdjettiń kiristeri 100,2%-ǵa oryndalyp, jospardan tys 157,2 mln.teńge túsken. Jyl qorytyndysymen ol 104% kórsetkishke jetedi dep kútilýde.
21 jeltoqsandaǵy jaǵdaı boıynsha bólingen qarajattyń 93,8 paıyzy ıgerilgen. 30,2 mıllıard teńge ıgerilmegen desek, onyń 16,7 mıllıard teńgesi aýdandar men Taraz qalasyna, 15 mıllıard teńge oblystyq basqarmalarǵa tıesili.
Taraz qalasynyń ákimi Aıtqazy Qarabalaev qalǵan qarjynyń 25 jeltoqsannan keshikpeı ıgeriletinine sendirdi. Basqa ákimder men basqarma basshylary da máseleniń sheshiletinin jetkizdi. Eń kem degende, jyl qorytyndysymen kórsetkish 99,9 paıyzdy quraýy tıis.
«Jyldyń aıaqtalýyna sanaýly kúnder qaldy, barlyǵy belsendi jumys isteýi kerek. Keste qurylyp, ony qatań saqtaý qajet. Sońǵy kúnderi máselelerdi sheshýsiz qaldyrýǵa bolmaıdy. Biz qarajatty mindetti túrde ıgeremiz dep suraǵanbyz. Sondyqtan nátıje kerek. Biz óz kórsetkishterimizdi respýblıkalyq kórsetkishtermen baılanystyramyz. Aýyl sharýashylyǵy kem degende alty paıyzdyq ósimdi kórsetýi tıis. Áleýmettik kómek ár meken-jaıǵa jetýi kerek. Biz halyqqa jyldy jaqsy nátıjelermen aıaqtaımyz dep ýáde bergenbiz. Biz sózimizde turýǵa tıispiz», - dedi Berdibek Saparbaev kezdesý sońynda.
Sondaı-aq, áleýmettik tólemderdi keshiktirmeı, ýaqytynda berilýi kerektigin basa aıtyp ótti.
