Berdibek Saparbaev boıtumary týraly aıtty
Úkimet úıinde ótken baspasóz máslıhatynda BAQ ókilderi vıtse-premerden kostıýminiń jaǵasyna únemi taǵyp júretin at beınelengen tós belginiń qandaı nyshandyq máni bar ekendigin suraǵan bolatyn.
«Árkimniń óz boıtumary bolady ǵoı. Bul - meniń boıtumarym. Osylaı taǵyp júrem. Osyǵan senemin, at qoı. Qazaq ózi jaqsy kóretin adamdy «atyńnan túspe» dep jatady. Sodan shyǵar», - dep jaýap berdi Berdibek Saparbaev.
Sonymen qatar ol bos ýaqytyn qalaı ótkizetindigin de aıtyp berdi.
«Toıǵa baryp júretin ýaqyt joq. Keshkisin, tańerteńgilik, mashınada ketip bara jatqan ýaqytta gazet oqımyn. Jumystan keıin keshkisin, demalysta fıtneske, basseınge baramyn. Tańerteń jáne keshke serýendep, jattyǵý jasaımyn», - dedi ol.
Berdibek Saparbaev Jańa jyl merekesin elordada qarsy alatyndyǵyn da atap ótti.