Berdibek Saparbaev: Bilim sapasyna kóbirek kóńil bólý kerek

AQTAÝ. QazAqparat - Mańǵystaý óńirine is-saparmen kelgen Berdibek Saparbaev medıtsınalyq sala men bilim salasynyń qyzmetkerlerimen kezdesti, dep habarlaıdy QazAqparat tilshisi.

Berdibek Mashbekuly jýyrda ǵana Farıza Ońǵarsynovanyń esimi berilgen 29-mektepte bir top ustazdarmen júzdesip, saladaǵy jańalyqtarmen bólisti.

Qazirgi tańda bilim salasyna kóńil tolmaıtynyn aıtyp, jýyrda ǵana halyqaralyq agenttik tarapynan jasalǵan saýalnama qortyndysyn aıtyp berdi.

«BAQ betterinde jarııalandy. Halyqaralyq agenttik taldaý jasaǵan eken: Qazaqstan sońynan sanaǵanda 2-shi orynda. Sońǵy Grýzııa tur. Eger bizdiń ballarymyz Amerıka, Eýropa sııaqty alpaýyttardan qalmaı bilim alǵanyn qalasaq, bilim sapasyn arttyrý kerek. Máselen, kúndelikke baılanysty. Internettiń jyldamdyǵy nashar ma, qolmen toltyrý kerek. Oqýlyq máselesi de aıtylǵan bolar. Mınıstrlikte biraz sharýa bar dep. Oqýlyqpen jumys isteıtin adam oqýlyq shyǵarýǵa qatysý kerek. Aýdarý jumystaryna da»,-dep atap ótti Úkimet basshysynyń orynbasary.

Sondaı-aq, medıtsına salasynyń qyzmetkerlerimen kezdesken Berdibek Mashbekuly óńirde kadrlarmen qamtamasyz etý mańyzdy bolyp turǵanyn aıtty.

«Qazirgi tańda 200-ge jýyq maman jetispeıdi. Jetispeı turǵan mamandarǵa qarjy berip, úı berip, óńirge tartý jumystary júrgiziledi. Sonymen qatar, barlyq eldi-mekenderde medıtsınalyq nysan salý kerek. Aýdan ortalyqtarynda mrt qurylǵylary bolý qajet»,-dedi ol.