Berdibek Saparbaev Bilim basqarmasynyń basshylyǵyna eskertý jasady
TARAZ. QazAqparat – Jambyl oblysynyń ákimi Berdibek Saparbaev aqyl-oıynyń damýynda kemistigi bar balalarǵa arnalǵan arnaıy mektep-ınternatqa jıhaz ben jabdyqtardy satyp alý máselesin sheshpegen Bilim basqarmasynyń basshylyǵyna eskertý jasady, dep habarlaıdy QazAqparat.
Berdibek Saparbaev Taraz qalasyndaǵy bilim mekemeleriniń oqý jylyna daıyndyǵyn tekserdi.
Óńir basshysy aqyl-oıynyń damýynda kemistigi bar balalarǵa arnalǵan arnaıy mektep-ınternatqa bardy. Jaqynda ǵana mektep nysanyna japsarlas boı kótergen ǵımarattyń qurylysy aıaqtalǵan. Jańa ǵımarattaǵy sportzal, tigin jáne aǵash sheberhanalary áli bos tur. Bastapqy jobalaý kezinde jıhaz ben jabdyq satyp alýǵa qarajat bólinbegen. Jaýapty tulǵalardyń eshbiri máselege ýaqytyly nazar aýdarmaǵan bolyp shyqty. Oblys ákimi Bilim basqarmasy basshylyǵyna eskertý jasap, mundaı mańyzdy iste kemshilikterge jol berilmeý kerektigin atap ótti. Sondaı-aq bul máseleni sheshýdi tapsyrdy.
Berdibek Saparbaev negizgi ǵımarattaǵy synyptarmen, jatyn bólmelerdi, akt zalyn, ashanany aralap, muqııat tanysty. Mektep-ınternattyń jumysy týraly dırektordyń mindetin atqarýshy Lıza Attybaeva jan-jaqty baıandap berdi. Munda erekshe bilim berýdi qajet etetin 210 bala oqıdy. Olarǵa bilikti mamandardyń keshendi kómekteri kórsetiledi. Psıholog, defektolog, logoped, áleýmettik pedagogtar quralǵan kásibı mamandar qatary balalarǵa túzetýdiń barlyq túrlerin kórsetedi.
Budan ári Jambyl oblysynyń basshysy «Іnjý» jekemenshik mektep-gımnazııasyna bardy. Mektep-gımnazııanyń dırektory Janna Mádimarovanyń aıtýynsha, mektepte sabaqtar qashyqtan jáne dástúrli túrde ótedi. Muǵalimder mekteptiń jańa oqý jylyna daıyn ekendigine sendirdi.
Oblys ákimi mektep ǵımaratynyń qabyrǵasyndaǵy motıvatsııalyq jáne tanymdyq kartınalarǵa aıryqsha nazar aýdardy. Ol muǵalimderdiń oqý-tárbıe berý protsesine degen shyǵarmashylyq kózqarastaryn joǵary baǵalap, Taraz qalasynyń ákimine bul tájirıbeni basqa mektepterge de qoldaný júkteldi.
