Berdibek Saparbaev altyn óndiretin ken ornynyń qurylysymen tanysty
AQTÓBE. QazAqparat - Aqtóbe oblysynyń ákimi Berdibek Saparbaev Muǵaljar aýdanyndaǵy altyn óndirý kombınaty jumysymen tanysty. Ken orny tolyq iske qosylǵan kezde jylyna 5 mıllıon tonna altyn keni óndiriledi, dep habarlaıdy QazAqparat tilshisi.
Aqtóbe oblysy Muǵaljar aýdanynda altyn qory bar. Qazirgi ýaqytta munda qurylys jumystary júrip jatyr. Altyndy aýylyndaǵy ken orny iske qosylǵan kezde jylyna 5 mıllıon tonna altyn rýdasy óndiriledi. Joba quny - 148 mıllıard teńge. Bul elimizdegi eń iri ken oryndarynyń biri bolmady. Aqtóbe oblysy ákiminiń baspasóz qyzmetiniń habarlaýynsha, óńir basshysy Berdibek Saparbaev qurylys jumystarymen tanysty. Negizinen «Altynex Company» kompanııasy «Altyndy» ken ornyn 2015 jyldyń qazan aıynan bastap ıgerip keledi. Ázirge jylyna tek 300 myń tonna rýda óndirilip jatyr.
«Quramynda altyny az rýdany ashyq tásilmen ıgerý úshin qurylys jumystary júrip jatyr. Bıyl sáýir aıynda ınvestorlar 10 mıllıon dollar kóleminde qarjy saldy. Keler jyly taǵy 100 mıllıon dollar qarjy jumsap, kombınattyń qurylysyn aıaqtaıdy. Munda 600 adam jumys istep jatyr. Bári ken óndiriletin aýdan turǵyny. Qurylys jumystary aıaqtalyp, jańa óndiris iske qosylǵan soń jumysshylar qaıta daıarlaýdan ótip, ken ornyna jumysqa qabyldanady. Jańa óndiris 2019 jyldyń aıaǵynda iske qosylady dep josparlanǵan, al tolyq qýattylyqqa 2020 jyly shyǵady», - dedi habarlady oblys ákiminiń baspasóz qyzmeti.
Aıta keteıik, kezdesý kezinde «Altynex Company» AQ basshylyǵy taý-ken óndirý kásipornyna qajetti ınfraqurylymdardy jetkizýge kómek surady. Óńir basshysy Berdibek Saparbaev oblys úshin mańyzy bar jobany qoldaıtynyn, memlekettik baǵdarlamalar aıasynda da kómek kórsetiletinin jetkizdi.
Eske salsaq, osy aptada Aqtóbe ınvestıtsııalyq forým ótedi. «Altyndy» ken ornyna ınvestıtsııa salý 2016 jylǵy ınvestıtsııalyq forým kezinde sheshimin taýyp, memorandýmǵa qol qoıylǵan bolatyn. Ol kezde Aqtóbe oblysynyń ákimdigi men «Altynex Company» AQ ekijaqty memorandýmǵa qol qoıdy.
