Berdibek Saparbaev almatylyq muǵalimdermen kezdesti
Jıyn barysynda Úkimet basshysynyń orynbasary muǵalim mártebesine qatysty zań týraly tilge tıek etti.
«Almatyǵa kelgende mindetti túrde ustazdar qaýymymen kezdesý kerek. Sebebi, memlekettiń bolashaǵy - balalar bolashaǵy birden bir sizderge baılanysty. Qazaqstan táýelsizdik alǵaly beri 28 jyldyń ishinde Elbasynyń, QR Prezıdenti Qasym-Jomart Toqaevtyń muǵalimder qaýymyna jasap jatqan sharalaryn jaqsy bilesizder. Eger biz tezirek damyǵan 30 memleket qataryna enemiz desek, bizde bilimdi tárbıeli azamattar bolýy kerek.
Sizderdiń mártebelerińizdi abyroılaryńyzdy arttyratyn quqyqtaryńyz saqtalatyn materıaldyq jaǵynan úlken kómek bolatyn muǵalim mártebesi degen zań Parlament qabyrǵasynda qaralyp jatyr. Sonyń nátıjesinde úlken kómek qoldaý bolady dep senemiz. Jaqynda tamyzdaǵy muǵalimder konferentsııasyna birinshi ret Qasym-Jomart Toqaev qatysty. Keleshekte muǵalimderge qandaı jaǵdaı jasalatynyn aıtty. Úkimet músheleri 1 qyrkúıek kúni mektepterge baryp qatysty», - dedi Berdibek Saparbaev.
QR BǴM ókili Karınova Sholpan Elbasynyń tapsyrmasyn oryndaý aıasynda mınıstrlik tarapynan qandaı sharalar atqarylyp jatqanyn aıtty.
«QR BǴM Elbasy belgilegen tapsyrmalardy oryndaý boıynsha Toqaevtyń bıylǵy joldaýyndaǵy mindetterdi oryndaý boıynsh qysqa baıandaýǵa ruqsat etińizder. Qazir muǵalimder mártebesi týraly zańdy ustazdar qaýymy tosyp otyr. Bul zań jobasy Úkimette qoldaý taýyp, májiliste qaralyp jatyr. Jyl sońyna qujatty bekitý josparda tur. Osy zań jobasyna qatysty naqty pikirdi bilý úshin zańdaǵy usynystar men ózgeristerdi ár pedagogıkalyq ujymǵa usyndyq. 18 myńnan asa usynys túsip zerdelendi. Ony mınıstrlik 3 topqa bóldi», - dedi Sholpan Tanatova.
Aıta ketý kerke, búgin Premer-Mınıstrdiń orynbasary Berdibek Saparbaev Almatyǵa jumys saparymen kelgen bolatyn. Laýazymdy tulǵa búgin ál-Farabı atyndaǵy QazUÝ ǵylymı ortalyǵyn aralap, jetistikterimen tanysty.
https://kaz.inform.kz/news/almatylyk-zhoo-berdibek-saparbaevka-akyldy-robotty-tanystyrdy_a3567127