Berdibek Saparbaev Almatyda oqyp jatqan shyǵysqazaqstandyq stýdenttermen kezdesti
ALMATY. 29 qazan. QazAqparat /Erlik Erjanuly/ - Keshe Ál-Farabı atyndaǵy Qazaq ulttyq ýnıversıtetine Shyǵys Qazaqstan oblysynyń ákimi Berdibek Saparbaev arnaıy delegatsııamen kelip, Almatydaǵy shyǵysqazaqstandyq stýdenttermen kezdesti.
Kezdesýge kelgen qonaqtar qatarynda QR Bilim jáne ǵylym mınıstri Baqytjan Jumaǵulov, Almaty qalasy ákiminiń orynbasary Serik Seıdýmanov jáne Sherııazdan Eleýkenov, Bıbigúl Tólegenova, Baýyrjan Jaqyp, Maıra Іlııasova, Tolqyn Zabırova sııaqty búginde elimizge keńinen tanymal shyǵys óńiriniń týmalary boldy.
«Ákim ózi bastama tanytyp jastarǵa kelýi - mańyzy zor, úlken is. Bul sapardyń basty maqsaty «Dıplommen - aýylǵa» baǵdarlamasynyń aıasyn keńeıtýge arnalyp otyr. Meniń bilýimshe, Almatynyń joǵary oqý oryndarynda Shyǵys Qazaqstan oblysynan kelgen 4 myńnan asa stýdent mamandanyp jatsa, búgingi kezdesýge solardyń arasyndaǵy eń úzdik 400-i ǵana qatysyp otyr», - dedi B. Tursynuly.
«Jastar - bizdiń bolashaǵymyz. Bul kelýim sizderdiń izdeýshilerińiz bar ekenin, sonymen birge stýdentterge artar senimniń zor ekendigin aıqyndaıdy. Arnaıy kezdese otyryp, joǵary oqý ornyn támamdaǵannan keıin «Dıplommen - aýylǵa» baǵdarlamasyna ún qosyńyzdar degen tilek aıtamyn. Shyǵys óńirine myqty maman bolyp oralyp, týǵan elderińizdiń, týǵan jerlerińizdiń damýyna úles qosyńyzdar degen usynysymdy jetkize keldim», - deıdi B.Saparbaev. Oblys ákimi sondaı-aq, Almatydaǵy joǵary oqý oryndarynda oqyp jatqan stýdentterge ortasha kólemdegi shákirtaqy taǵaıyndap, eń úzdik 20 stýdentti arnaıy gramotalarmen jáne syıaqymen marapattady.
