Berdibek Saparbaev Aqtóbede «Týǵan jer» forýmyn ótkizýdi usyndy
«Biz Aqtóbede «Týǵan jer» jobasy boıynsha «Rýhanı jańǵyrýdy» júzege asyrýǵa arnalǵan respýblıkalyq forýmdy ótkizýge usynys jasap otyrmyz. Osy oraıda barlyq áleýeti joǵary nysandarymyzdy, bıznes jobalardy tanystyrǵymyz keledi. Sondaı-aq medıtsına men bilim berý, mádenıet salasynda sheberlik synyptaryn ótkizý qamtylady. Komıssııa múshelerin osy bastamany qoldaýǵa shaqyramyz», - dedi Saparbaev Prezıdent janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komıssııanyń úshinshi otyrysynda.
Osy oraıda óńir ákimi forýmdy oblystaǵy nysandardyń bazasynda ótkizýdi usyndy. Bul turǵyda Oqýshylar saraıy, Jastar saraıy, Sport saraıy, mýzeı jáne basqa da biregeı nysandar qamtylmaq.
Munymen qosa ol aımaqta «Rýhanı jańǵyrý» baǵdarlamasy aıasynda 335 shara ótkenin, oǵan 100 myńnan astam adam qatysqanyn sóz etti.
«Jalpy oblys turǵyndary bul bastamany qoldap otyr, sebebi baǵdarlamanyń oń yqpaly bar ekeni túsinikti. Sonymen qatar baǵdarlama jastardy patrıottyq rýhta tárbeleý aıasynda turǵyndarǵa óziniń týǵan ólkesi men tarıhy jaıynda kóbirek málimet berýge qosymsha qoldaý jasaıdy», - dep túsindirdi Saparbaev.
