Berdenovke qoqan-loqqy kórsetilgeni týraly onyń partııalastary habarlady

ShYMKENT. KAZINFORM — Jýrnalıst, belgili kásipker Beıbit Álibekov bolǵan jaǵdaıdy qaladaǵy qurylys salasynda tártip ornatýmen baılanysty bolýy múmkin ekenin atap ótti. 

— Jeke ózim bul jaǵdaı Shymkenttegi qurylys salasynda tártip ornatýmen baılanysty bolýy múmkin dep oılaımyn, býkmekerlerge qatysy bar degenge kúmánim bar. Tek búgin ǵana osy taqyrypta qatań jınalys ótti. Maǵan Rýslanǵa qoqan-loqqy jasalǵanyn aıtqan edi, — dep jazdy kásipker óziniń Telegram-arnasynda.

Ol oq atqan adamnyń Rýslannyń qol astynda jumys istegenin, ákimdikke qarasty JShS-niń basshysy bolǵanyn jáne jýyrda jumystan bosatylǵanyn jazdy.

— Ókpesi men baýyryna zaqym kelgen. Biraq bári jaqsy bolady, — dep qosty Beıbit Álibekov.

Eske sala keteıik, buǵan deıin Shymkentte qala ákiminiń orynbasary Rýslan Berdenovti atyp ketkenin jazǵan edik.

Aldyn ala málimetterge sáıkes, kúdikti sheneýnikke qaraı úsh ret oq atqan. Oqıǵa saldarynan ákimdik qyzmetkeri jaraqat alyp, aýrýhanaǵa jetkizilgen.

Shymkent polıtsııasy qylmystyq is qozǵalyp, tergeý amaldary júrgizilip jatqanyn habarlady.