Beranek elordalyq «Lokomotıvtiń» 5 oıynshysyn ulttyq quramaǵa shaqyrdy
ASTANA. 20 mamyr. QazAqparat /Jasulan Amanbaıuly/ - Qazaqstannyń fýtbol quramasynyń bas bapkeri Mıroslav Beranek «Lokomotıv» klýbynyń bes oıynshysyna Ázirbaıjanmen bolatyn kezdesýde el namysyn qorǵaýǵa shaqyrtý jiberdi.
Olar qorǵaýshylar - Mıhaıl Rojkov, Mark Gýrman jáne Qaırat Nurdáýletov, jartylaı qorǵaýshylar - Marat Shahmetov pen Ulan Qonysbaev.
Bunyń aldynda bas bapker ulttyq komandaǵa «Aqtóbe» klýbynyń oıynshylary - Marat Haırýllın, Andreı Sıdelnıkov, Samat Smaqov, ıÝrıı Logvınenko jáne Sergeı Lısenkovty, sondaı-aq «Tobyl» fýtbolshylary - Aleksandr Kıslıtsyn men Igor ıÝrındi oqý-jattyǵý jıynyna shaqyrtqandyǵy týraly habarlaǵan bolatynbyz.
M. Beranek bizdiń komandanyń kapıtany Andreı Karpovıch bolady dep málim etken, alaıda ol jaraqat alyp, Ázirbaıjanmen bolatyn kezdesýge qatysa almaıtyndyǵy anyqtaldy. Sonymen qatar elimizdiń bas qaqpashysy Davıd Lorııa da jaraqattanǵan. Ol qazir Germanııada em alyp jatyr.
Bizdiń komanda Ázirbaıjan quramasymen 3 maýsym kúni Astana ýaqytymen saǵat 19.00-de óz alańynda, elordadaǵy «Astana - Arena» stadıonynda oınaıdy. Match bıletteri 24 mamyrda satylymǵa shyǵady.
Aıta keteıik, "Eýro-2012" chempıonatynyń irikteý týrnıri aıasynda jerlesterimiz Germanııa, Túrkııa, Avstrııa , Belgııa jáne Ázirbaıjan quramalarymen birge «A» tobynda oınaýda.
Bunyń aldynda Qazaqstan quramasy bes oıyn ótkizip, óz alańynda Túrkııaǵa 0:3, Belgııaǵa 0:2, Germanııaǵa 0:3 esebimen ese jiberse, syrt alańda Avstrııadan 0:2 esebimen jeńilip qalǵan bolatyn. Osylaısha, Qazaqstan quramasy «Eýro-2012» chempıonatynyń irikteý týrnıri aıasynda birde-bir upaısyz «A» tobynda sońǵy orynda keledi.
