«BerÁli» kompanııasynyń jumysshylaryna jalaqysy burynǵy mólsherdegi basqa jumys usynyldy

ASTANA. QazAqparat - «BerÁli Mańǵystaý Company» JShS burynǵy qyzmetkerlerimen jumysqa ornalastyrý máselelerine qatysty kezekti kezdesý ótti, dep habarlaıdy QazAqparat Telegramdaǵy QMG kóshpeli jumys tobynyń Jańaózendegi qyzmetine arnalǵan resmı arnaǵa silteme jasap.

29 mamyrda Jańaózen qalasynda «Ózenmunaıgaz» AQ men «Móldir Munaı Servıs» JShS-niń basshylyǵy «BerÁli Mańǵystaý Company» JShS burynǵy qyzmetkerlerimen kezekti kezdesý ótkizdi.

Kezdesýde «Ózenmunaıgaz» AQ bas dırektory N.Qılybaı «BerÁli Mańǵystaý Company» JShS-niń burynǵy qyzmetkerlerin jumyspen qamtý úshin «Móldir Munaı Servıs» JShS-ne jumysqa ornalastyrý týraly usynysyn jetkizdi.

Jıyn qatysýshylaryna «Ózenmunaıgaz» AQ men «Móldir Munaı Servıs» JShS arasynda «BerÁli» kompanııasynyń burynǵy jumysshylarynyń buǵan deıin alyp kelgen jalaqy mólsherin kepildi saqtalýyn kózdeıtin shart usynyldy.

Sonymen qatar kezdesýge kelgenderge uńǵymalardy ónerkásiptik jóndeý qyzmetin satyp alýǵa tender 3 jyl merzimge ótkiziletini aıtyldy.

Óz kezeginde «BerÁli» kompanııasynyń burynǵy jumysshylary usynylǵan sharttardy qarastyrýǵa ýaqyt surady.