Benzınniń baǵasy kóteriledi - S.Myńbaev
TANA. 26 shilde. QazAqparat /Arman Asqarov/ - Qazaqstanda benzınniń jańadan bekitiletinshekti baǵasy ósedi.
Bul týraly búgin Úkimet otyrysynan keıin jýrnalısterge suhbat bergen QR Munaı jáne gaz mınıstri Saýat Myńbaev málim etti.
«Shynymen de, aǵymdaǵy aıda Reseı Federatsııasyndaǵy munaı ónimderiniń baǵasy kúrt kóterildi. Qazaqstandaǵy «Gelıos» sııaqty birqatar janar-jaǵarmaı quıý stansalary osy jaǵdaıdy paıdalanyp, Úkimettiń benzınge bekitken shekti baǵasyn kóterip jiberdi. Endi, ótken aptada qabyldanǵan zań Úkimettiń 8 birdeı qaýlysynan keıin óz kúshine enedi. Osydan bastap biz tártip buzǵandarǵa qatysty tıisti sharalardy qoldana alamyz. Al jańadan bekitiletin shekti baǵaǵa keletin bolsaq, shekara ashyqtyǵy men Reseıdegi munaı jáne munaı ónimderiniń qymbattaýy aıasynda benzınniń baǵasy birshama ósedi degen boljam bar. Onyń naqty baǵasy týraly men áli aıta almaımyn. Ol 1-2 kúnniń ishinde belgili bolmaq. Benzınniń shekti baǵasyn biz birlesken keńeste bekitetin bolamyz», - dep atap kórsetti S.Myńbaev.
