Benzındi Qazaqstan aýmaǵynan shyǵarýǵa salynǵan tyıym taǵy 6 aıǵa uzartylmaq

ASTANA. QazAqparat – «Ashyq NQA» portalynda benzın men birqatar janarmaı ónimderin syrtqa shyǵarýǵa tyıym salý týraly birlesken buıryqtyń merzimin uzartýdy kózdeıtin qujattyń jobasy talqylanýda, dep habarlaıdy QazAqparat tilshisi.

«Munaı ónimderin óndirý salasyndaǵy ýákiletti organnyń kelisimi jáne joǵaryda kórsetilgen jumystardy júrgizýge ýákilettik uıymmen shart jáne osy maqsattar úshin avıatsııalyq otyn úlgileriniń (synamalarynyń) jáne kólemderiniń qajetti sany kórsetilgen hat bolǵan jaǵdaıda, avıatsııalyq otynnyń reaktıvti ónerkásiptik óndiriske (reaktıvti qozǵaltqyshtarǵa arnalǵan otyn) qoıý, ony ónerkásiptik óndirýdiń tehnologııasyn bekitý jáne/nemese qaıta bekitý maqsatynda tájirıbelik-ónerkásiptik partııadan qospalardy irikteý, úlgilerdi biliktilik jáne zerthanalyq synaý jónindegi ǵylymı-zertteý jumystaryn júrgizý úshin avıatsııalyq otyndy áketýdi qospaǵanda, avtomobıl kólik quraldaryn daıyndaýshy zaýytpen kózdelgen benzın baktarynda áketýdi qospaǵanda, jaǵarmaıdy (EAEO SEQ TN kody 2710 19 820 0, 2710 19 840 0, 2710 19 860 0, 2710 19 880 0, 2710 19 920 0, 2710 19 940 0, 2710 19 980 0, 3403 19 900 0, 3403 91 000 0) qospaǵanda, benzınderdi, dızel otynyn jáne munaı ónimderiniń jekelegen túrlerin (EAEO SEQ TN kody 2709 00, 2710, 2902, 3403, 3811, 3826 00) Qazaqstan Respýblıkasynyń aýmaǵynan avtomobıl kóligimen áketýge alty aı merzimge tyıym salý engizilsin», - dep jazylǵan buıryq jobasynda.

Qujat 3 qańtarǵa deıin qoǵam talqylaýyna usynylyp otyr.