Benzın tasymaldaıtyn kólik apatqa ushyrap, tórt adam qaza tapty
ASTANA. QazAqparat - Sársenbi kúni AQSh-tyń Nıý-Djersı shtatynda bolǵan jol apatynan tórt adam qaza tapty. Bul týraly AVS telearnasy habarlady.
Arnanyń habarlaryna qaraǵanda, tas jolda joǵary jyldamdyqpen kele jatqan avto aldyndaǵy benzın tasymaldaıtyn júk kóligin soqqan. Sebebi belgisiz. Soqqynyń saldarynan birinshi avtomobıldiń tóbesi julynyp ketken. Apat bolǵan sátte avtotsısternada janarmaı boldy ma, joq pa - ázirge belgisiz.
Jeńil kólikte 21-24 aralyǵyndaǵy tórt adam bolǵan. Olardyń barlyǵy qaza tapty. Al júk kóliginiń júrgizýshisi azdap jaraqattanǵan.
Nıý-Iorkten 100 shaqyrymdaı ońtústikte bolǵan apattyń saldary ázirge belgisiz. Tergep-tekserý jumystary júrip jatyr.
