Benzın tasymaldaýshy kólik jarylysy: Qaza tapqandar sany 89-ǵa jetti
NUR-SULTAN. QazAqparat – Tanzanııada benzın tasymaldaýshy kólik jarylyp, 89 adamnyń ómiri qıyldy. Bul týraly jergilikti The Citizen gazeti jazdy, dep habarlaıdy QazAqparat.
Basylymnyń jazýynsha, taǵy 25 adam aýrýhanada jatyr. Olardyń toǵyzyn qatty kúıik shalǵan.
Aıta ketsek, 10 tamyz kúni Morogoro qalasynda benzın tasymaldaıtyn kólik aýdarylyp, ákele jatqan janarmaıynyń barlyǵy tógilgen de, artynsha órtenip ketken. Kýágerlerdiń sózine qaraǵanda, sol mańǵa jınalǵandardyń biri tartqan temekiniń shoǵy túsip, ot tutanǵan.
