Benzın tasymaldaýshy kólik órtenip, 60-qa jýyq adam tirideı janyp ketti
ASTANA. QazAqparat - Kongo Demokratııalyq Respýblıkasynyń batysynda avtomobılmen soqtyǵysqan benzın tasymaldaýshy kólik otqa oranyp, saldarynan 60 adam qaza tapqan. Bul týraly senbi kúni Agence France-Presse qaıǵyly oqıǵany kózimen kórgenderge silteme jasap habarlady.
Budan buryn Reuters agenttigi 50 adamnyń qaza tapqanyn jáne 100-ge jýyǵynyń zardap shekkenin málim etken bolatyn.
AFP derekteri boıynsha keleńsiz jaǵdaı osy eldiń astanasy Kınshasa qalasynan batysqa qaraı 120 shaqyrym jerde ornalasqan Mbýba eldi mekeninde bolǵan.
«Biz sol jerden 53 adamnyń janyp ketken denesi tabyldy. Taǵy jeteýi kórshiles Kısantý aýylynyń aýrýhanasynda kúıik shalý saldarynan kóz jumdy»,-dep qosty qaıǵyly oqıǵany kórgenderdiń biri.
